Rikors ippreżentat fl-14 ta' April 2008 - Ferrero vs UASI - Tirol Milch (TiMi KINDERJOGHURT)
(Kawża T-140/08)
Lingwa tar-rikors: L-Ingliż
Partijiet
Rikorrenti: Ferrero SpA (Alba, l-Italja) (rappreżentanti: C. Gielen, avukat u F. Jacobacci, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord ta' l-Appell: Tirol Milch GmbH (Innsbruck, l-Awstrija)
Talbiet tar-rikorrenti
tannulla d-deċiżjoni tat-Tieni Bord ta' l-Appell ta' l-Uffiċċju għall-Armonizzazzjoni fis-Suq Intern (Trade marks u Disinni) tat-30 ta' Jannar 2008 fil-Każ R 628/2007-2; u
tikkundanna lill-UASI għall-ispejjeż.
Motivi u argumenti prinċipali
Trade mark Komunitarja rreġistrata li hija s-suġġett tat-talba għal dikjarazzjoni ta' invalidità: Trade mark verbali magħmula mill-kliem "TiMi KINDERJOGHURT" għal prodotti fil-klassi 29 - Applikazzjoni Nru 792 978
Proprjetarju tat-trade mark Komunitarja: Tirol Milch reg. Gen. mbH
Parti li qed titlob id-dikjarazzjoni ta' invalidità tat-trade mark Komunitarja: Ir-rikorrenti
Deċiżjoni tad-Diviżjoni tal-Kanċellazzjoni: Dikjarazzjoni ta' invalidità tat-trade mark ikkontestata
Deċiżjoni tal-Bord ta' l-Appell: Annullament tad-deċiżjoni tad-Diviżjoni tal-Kanċellazzjoni u ċaħda tat-talba għal dikjarazzjoni ta' invalidità
Motivi invokati: It-Tieni Bord ta' l-Appell għamel żball meta ddikjara li d-deċiżjonijiet finali preċedenti bejn l-istess partijiet u li jikkonċernaw l-istess trade mark huma vinkolanti fil-proċedimenti sussegwenti għal dikjarazzjoni ta' invalidità quddiem id-Diviżjoni tal-Kanċellazzjoni u l-Bord ta' l-Appell; Ksur ta' l-Artikolu 8(1)(b) u (5) tar-Regolament tal-Kunsill Nru 40/94 peress li t-trade mark ikkontestata tixbah trade mark preċedenti
____________