Sentenza tal-Qorti tal-Prim’Istanza (It-Tielet Awla) tas-16 ta’ Jannar 2008 – Inter‑Ikea vs UASI – Waibel (idea)

(Kawża T-112/06)

“Trade mark Komunitarja – Proċedimenti għal dikjarazzjoni ta’ invalidità – Trade mark figurattiva Komunitarja idea – Trade marks Komunitarji u nazzjonali figurattivi u verbali preċedenti IKEA – Raġuni relattiva ta’ invalidità – Nuqqas ta’ probabbiltà ta’ konfużjoni – Artikoli 8(1)(b) u 52(1)(a) tar-Regolament (KE) Nru 40/94”

Trade mark Komunitarja – Definizzjoni u kisba tat-trade mark Komunitarja – Raġunijiet relattivi għal rifjut – Oppożizzjoni mill-proprjetarju ta’ trade mark preċedenti identika jew li tixxiebah irreġistrata għal prodotti jew servizzi identiċi jew li jixxiebhu – Probabbiltà ta’ konfużjoni mat-trade mark preċedenti (Regolament tal-Kunsill Nru 40/94, Artikolu 8(1)(b)) (ara l-punti 80-81, 85)

Suġġett

Rikors ippreżentat kontra d-deċiżjoni ta’ l-Ewwel Bord ta’ l-Appell ta’ l-UASI ta’ l-10 ta’ Frar 2006 (Każ R 80/2005) dwar proċedimenti għal dikjarazzjoni ta’ invalidità bejn Inter-Ikea Systems BV u Walter Waibel.

Informazzjoni dwar il-kawża

Trade mark Komunitarja rreġistrata li hija s-suġġett tat-talba għal dikjarazzjoni ta’ invalidità:	Trade mark figurattiva idea għal prodotti u servizzi fil-klassijiet 16, 20 u 42 – Applikazzjoni Nru 283952
Proprjetarju tat-trade mark Komunitarja:	Walter Waibel
Parti li qed titlob id-dikjarazzjoni ta’ invalidità:	Inter-Ikea Systems BV
Trade marks ta’ min qed jitlob id-dikjarazzjoni ta’ invalidità:	Diversi trade marks Komunitarji u nazzjonali, figurattivi u verbali għal prodotti fil-klassijiet 16, 20 u 42
Deċiżjoni tad-Diviżjoni tal-Kanċellazjoni:	Trade mark idea ddikjarata invalida
Deċiżjoni tal-Bord ta’ l-Appell:	Talba miċħuda

Dispożittiv

1) Ir-rikors huwa miċħud.

2) Inter-Ikea Systems BV hija kkundannata għall-ispejjeż, inklużi dawk sostnuti minn Walter Waibel fil-proċedimenti quddiem il-Bord ta’ l-Appell.