Iarraidh ar réamhrialú ón Bundesgerichtshof (an Ghearmáin) a taisceadh an 1 Feabhra 2024 - Tradeinn Retail Services S.L. v PH
(Cás C-76/24, Tradeinn Retail Services)
Teanga an cháis: an Ghearmáinis
An chúirt a rinne an tarchur
Bundesgerichtshof
Páirtithe sna príomhimeachtaí
Cosantóir agus achomharcóir ar phointe dlí: Tradeinn Retail Services S.L.
Iarratasóir agus freagróir san achomharc ar phointe dlí: PH
Na ceisteanna a tharchuirtear
An féidir le sealbhóir trádmhairc náisiúnta, i gcomhréir le hAirteagal 10(3)(b) de Threoir (AE) 2015/2436 1 , toirmeasc a chur ar dhuine thar lear earraí a sháraíonn an trádmharc a bheith ina sheilbh d’fhonn na hearraí a thairiscint nó a mhargú sa tír ina bhfuil an trádmarc faoi chosaint?
Maidir le coincheap na stocála de réir bhrí Airteagal 10(3)(b) de Threoir 2015/2436, an mbraitheann sé ar fhéidearthacht iarbhír rochtain ar earraí a sháraíonn trádmharc nó an leor an fhéidearthacht a bheith in ann tionchar a imirt ar an duine a bhfuil rochtain iarbhír aige ar na hearraí sin?
____________
1 Treoir (AE) 2015/2436 ó Pharlaimint na hEorpa agus ón gComhairle an 16 Nollaig 2015 maidir le comhfhogasú dhlíthe na mBallstát a bhaineann le trádmharcanna (Athmhúnlú) (IO 2015 L 336, lch. 1).