DIGRIET TAT-TRIBUNAL GĦAS-SERVIZZ PUBBLLIKU (L-Ewwel Awla)
26 ta’ Settembru 2007
Kawża F-52/05
Q
vs
Il-Kummissjoni tal-Komunitajiet Ewropej
“Servizz pubbliku – Uffiċjali – Kwistjonijiet proċedurali – Aċċess għall-proċess – Eċċezzjoni”
Suġġett : Rikors, imressaq skond l-Artikoli 236 KE u 152 KEEA, li permezz tiegħu Q essenzjalment titlob, minn naħa, l-annullament tad-deċiżjonijiet impliċiti tal-Kummissjoni li jiċħdu t-talbiet ta’ assistenza, magħmula mir-rikorrenti skond l-Artikolu 24 tar-Regolamenti tal-Persunal, u ta’ miżuri provviżorji marbuta mal-fastidju li hija tallega li batiet, kif ukoll l-annullament tar-rapport dwar l-iżvilupp tal-karriera tagħha għas-sena 2003, u, min-naħa l-oħra, talba għal danni. Sussegwentement, il-Kummissjoni titlob, min-naħa tagħha, it-tneħħija ta’ sentenzi li jinsabu f’uħud mix-xhieda li kienet is-suġġett ta’ rapporti tas-seduta li jinsabu annessi ma’ l-atti ta’ l-investigazzjoni amministrattiva.
Deċiżjoni : It-talba tal-Kummissjoni hija miċħuda. L-ispejjeż huma rriżervati.
Sommarju
Proċedura – Miżuri ta’ organizzazzjoni tal-proċedura –Atti ta’ l-investigazzjoni amministrattiva trażmessi minn istituzzjoni lil Qorti Komunitarja –Dritt ta’ aċċess – Talba ta’l-istituzzjoni sabiex mill-atti jitneħħew sentenzi li jinsabu f’uħud mix-xhieda mogħtija – Rifjut