Sentenza tal-Qorti Ġenerali (Il-Ħames Awla) tal-20 ta’ Ottubru 2011 – Scatizza vs UASI – Jacinto (Horse Couture)

(Kawża T-238/10)

“Trade mark Komunitarja – Proċedimenti ta’ oppożizzjoni – Applikazzjoni għat-trade mark Komunitarja figurattiva Horse Couture – Trade mark nazzjonali figurattiva preċedenti HORSE – Raġuni relattiva għal rifjut – Probabbiltà ta’ konfużjoni – Xebh tas-sinjali – Artikolu 8(1)(b) tar-Regolament (KE) Nru 40/94 [li sar l-Artikolu 8(1)(b) tar-Regolament (KE) Nru 207/2009]”

Trade mark Komunitarja - Definizzjoni u kisba tat-trade mark Komunitarja - Raġunijiet relattivi għal rifjut - Oppożizzjoni mill-proprjetarju ta’ trade mark preċedenti identika jew li tixxiebah irreġistrata għal prodotti jew servizzi identiċi jew li jixxiebhu - Probabbiltà ta’ konfużjoni mat-trade mark preċedenti (Regolament tal-Kunsill Nru 207/2009, Artikolu 8(1)(b)) (ara l-punti 20, 47-49)

Suġġett

Rikors ippreżentat kontra d-deċiżjoni tat-Tieni Bord tal-Appell tal-UASI, tal-5 ta’ Marzu 2010 (Każ R 723/2009‑2), dwar proċedimenti ta’ oppożizzjoni bejn Manuel Jacinto, Lda u Stephanie Scatizza.

Dispożittiv

1) Ir-rikors huwa miċħud.

2) Stephanie Scatizza hija kkundannata għall-ispejjeż.