Sentenza tal-Qorti tal-Prim'Istanza tal-25 ta' Ġunju 2008 - Olympiaki Aeroporia Ypiresies vs Il-Kummissjoni
"Għajnuna mill-Istat - Għajnuna favur kumpanniji ta' l-ajru għal dannu subit mill-attentati tal-11 ta' Settembru 2001 - Deċiżjoni li tiddikjara l-iskema ta' l-għajnuna bħala parzjalment inkompatibbli mas-suq komuni u li tordna l-irkupru ta' l-għajnuna mogħtija - Artikolu 87(2)(b) KE - Komunikazzjoni tal-Kummissjoni ta' l-10 ta' Ottubru 2001, dwar il-konsegwenzi ta' l-attentati tal-11 ta' Settembru - Rabta kawżali bejn l-avveniment straordinarju u d-dannu - Obbligu ta' motivazzjoni"
Lingwa tal-kawża: Il-Grieg
Partijiet
Rikorrenti: Olympiaki Aeroporia Ypiresies AE (Ateni, il-Greċja) (rappreżentanti: P. Anestis, avukat, T. Soames u G. Goeteyn, solicitors, S. Mavrogenis u M. Pinto de Lemos Fermiano Rato, avukati)
Konvenuta: Il-Kummissjoni tal-Komunitajiet Ewropej (rappreżentanti: E. Righini u I. Chatzigiannis, aġenti)
Suġġett
Talba għall-annullament tad-Deċiżjoni tal-Kummissjoni C (2006) 1580 finali, tas-26 ta' April 2006, dwar skema ta' għajnuna mill-Istat C 39/2003 (ex NN 119/2002) li r-Repubblika Ellenika implementat favur kumpanniji ta' l-ajru wara dannu subit mill-11 sa' l-14 ta' Settembru 2001.
Dispożittiv
L-Artikoli 1 u 2 tad-deċiżjoni C (2006) 1580 finali tal-Kummissjoni, tas-26 ta' April 2006, dwar skema ta' għajununa mill-Istat C 39/2003 (ex NN 119/2002) li r-Repubblika Ellenika implementat favur kumpanniji ta' l-ajru wara dannu subit mill-11 sa' l-14 ta' Settembru, huma annullati inkwantu jiddikjaraw bħala inkompatibbli mas-suq komuni l-għajnuna mogħtija lil Olympiaki Aeroporia Ypiresies AE, l-ewwel nett, għad-dannu dovut għall-annullament tat-titjira lejn il-Kanada fil-15 ta' Settembru 2001, it-tieni nett, għad-dannu dwar in-netwerk tagħha barra l-Atlantiku ta' Fuq u l-Israel, u, it-tielet nett, għall-profitt mitluf tat-trasport tal-merkanzija, ta' l-ispejjeż tal-ħsara tal-merkanzija sensittiva, ta' l-ispejjeż tal-kontroll tas-sigurtà addizzjonali tal-merkanzija, ta' l-ispejjeż marbuta mas-sigħat addizzjonali ta' xogħol mill-ħaddiema u ta' l-ispejjeż marbuta mal-miżuri urġenti ta' sigurtà addizzjonali.
L-Artikolu 4 tad-deċiżjoni C (2006) 1580 finali huwa annullat inkwantu jordna l-irkupru ta' l-għajnuna msemmija fil-punt preċedenti.
Il-bqija tar-rikors huwa miċħud.
Kull parti għandha tbati l-ispejjeż rispettivi tagħha.
____________1 - ĠU C ##, ##.