Sentenza tal-Qorti tal-Ġustizzja (L-Ewwel Awla) tas-6 ta' Ottubru 2009 (talba għal deċiżjoni preliminari tal-Juzgado de Primera Instancia Nru 4 ta' Bilbao - Spanja) - Asturcom Telecomunicaciones SL vs Cristina Rodríguez Nogueira
(Direttiva 93/13/KEE - Kuntratti konklużi mal-konsumaturi - Klawżola ta' arbitraġġ inġusta - Nullità - Deċizjoni ta' arbitraġġ li tkun saret res judicata - Eżekuzzjoni forzata - Ġurisdizzjoni tal-qorti nazzjonali ta' eżekuzzjoni li tqajjem ex officio n-nullità tal-klawżola ta' arbitraġġ inġusta - Prinċipji ta' ekwivalenza u ta' effettività)
Lingwa tal-kawża: L-Ispanjol
Qorti tar-rinviju
Juzgado de Primera Instancia Nru 4 ta' Bilbao
Partijiet fil-kawża prinċipali
Rikorrenti: Asturcom Telecomunicaciones SL
Konvenuta: Cristina Rodríguez Nogueira
Suġġett
Talba għal deċiżjoni preliminari - Juzgado de Primera Instancia Nru 4 ta' Bilbao - Interpretazzjoni tad-Direttiva tal-Kunsill 93/13/KEE tal-5 ta' April 1993 dwar klawżoli inġusti f'kuntratti mal-konsumatur (ĠU L 95, p. 29) - Mezzi adegwati u effettivi sabiex ma jibqgħux jintużaw klawżoli inġusti - Talba għall-eżekuzzjoni ta' deċiżjoni ta' arbitraġġ finali mogħtija in absentia abbażi ta' klawżola ta' arbitraġġ inġusta
Dispożittiv
Id-Direttiva tal-Kunsill 93/13/KEE, tal-5 ta' April 1993, dwar klawżoli inġusti f'kuntratti mal-konsumatur, għandha tiġi interpretata fis-sens li qorti nazzjonali li tintalab tieħu konjizzjoni ta' rikors għall-eżekuzzjoni forzata ta' deċiżjoni ta' arbitraġġ li tkun saret res judicata, li tkun ingħatat fil-kontumaċja tal-konsumatur, hija marbuta, jekk ikollha l-elementi kollha ta' dritt u ta' fatt neċessarji għal din il-għan, tevalwa ex officio n-natura inġusta tal-klawżola ta' arbitraġġ li tinsab f'kuntratt konkluż bejn kummerċjant u konsumatur sa fejn, skont ir-regoli tal-proċedura nazzjonali, hija tkun tista' teffettwa dan l-istħarriġ fil-kuntest ta' rikorsi simili ta' natura nazzjonali. Jekk dan ikun il-każ, hija din il-qorti li għandha tislet il-konsegwenzi kollha li jirriżultaw mid-dritt nazzjonali tagħha sabiex tiżgura li l-konsumatur ma jkunx marbut minn din il-klawżola.
____________1 - ĠU C 92, 12.04.2008