Caingean arna tabhairt an 12 Aibreán 2024 – Wonderbox v EUIPO – Swile (Wonderbox)

(Cás T-200/24)

Teanga inar taisceadh an t-iarratas: an Fhraincis

Páirtithe

Iarratasóir: Wonderbox (Páras, an Fhrainc) (ionadaí: O. Klimis, Dlíodóir)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: Swile (Montpellier, an Fhrainc)

Sonraí na n-imeachtaí os comhair EUIPO

Iarratasóir an trádmhairc atá faoi cheist: Iarratasóir os comhair na Cúirte Ghinearálta

Trádmharc atá faoi cheist: Iarratas ar mharc fíortha de chuid an Aontais Eorpaigh ‘Wonderbox’ – Trádmharc de chuid an Aontais Eorpaigh Uimh. 14 980 874

Nós imeachta os comhair EUIPO: Imeachtaí maidir le cealú

Cinneadh atá faoi chonspóid: Cinneadh ón gCúigiú Bord Achomhairc de EUIPO an 7 Feabhra 2024 i gCás R 776/2023-5

An t-ordú atá á lorg

Iarrann an t-iarratasóir ar an gCúirt Ghinearálta:

an chinneadh atá faoi chonspóid a chur ar neamhní go páirteach a mhéid a chuir sé trádmharc an Aontais Eorpaigh Uimh. 14 980 874 Wonderbox ar neamhní, maidir leis na táirgí agus seirbhísí seo a leanas:

Aicme 16: ticéid; boscaí cairtchláir nó páipéir; boscaí bronntanais; bróisiúir; foilseacháin chlóite; cártaí trádála seachas dóibh siúd le haghaidh cluichí; catalóga; leabhráin; dearbháin ar féidir malartú ar tháirgí nó ar sheirbhísí; dearbháin bronntanais chun críocha fógraíochta nó tráchtála;

Aicme 35: Fógraíocht; scaipeadh ábhair fógraíochta (bileoga, réamheolairí, ábhar clóite, samplaí); fógraíocht ar líne ar líonra ríomhaire; am fógraíochta a fháil ar cíos ar aon mhodh cumarsáide; foilsiú téacsanna fógraíochta; spás fógraíochta a fháil ar cíos; scaipeadh fógrán; scaipeadh dearbhán agus dearbhán bronntanais chun críocha poiblíochta nó tráchtála; seirbhísí cur chun cinn díolacháin ar son páirtithe seachtracha; dearadh ábhar fógraíochta; scaipeadh fográn; soláthar spásanna díolacháin ar líne do cheannaitheoirí agus díoltóirí táirgí agus seirbhísí; faisnéis tráchtála trí shuíomhanna gréasáin; idirbheartaíocht agus tabhairt i gcrích idirbhearta tráchtála do thriú páirtithe; cur chun cinn díolacháin do thriú páirtithe; scaipeadh dearbhán arb ionann iad agus luach airgeadaíochta chun críocha poiblíochta nó tráchtála;

a ordú do EUIPO na costais a íoc.

Saincheist dlí arna maíomh

Sárú ar Airteagail 58(1)(a) agus 58(2), i gcomhréir leis an gcéad abairt d’Airteagal 94, de Rialachán (AE) 2017/1001 ó Pharlaimint na hEorpa agus ón gComhairle.

____________