Digriet tal-President tal-Qorti tal-Prim'Istanza tal-11 ta' Diċembru 2007 - FMC Chemical et vs Il-Kummissjoni
(Kawża T-350/07 R)
("Proċedura sommarja - Direttiva 91/414/KEE - Talba għas-sospensjoni ta' l-eżekuzzjoni - Ammissibbiltà - Nuqqas ta' urġenza)
Lingwa tal-kawża: L-Ingliż
Partijiet
Rikorrenti: FMC Chemical (Brussell, il-Belġju); Arysta Lifescience SAS (Noguères, Franza); Belchim Crop Protection NV (Londerzeel, il-Belġju); FMC Foret, SA (Sant Cugat de Valles, Spanja); F&N Agro Slovensko spol. s.r.o. (Bratislava, is-Slovakkja); F&N Agro Ceská republika spol. s.r.o. (Praga, ir-Repubblika Ċeka); F&N Agro Polska sp. z o.o. (Varsovja, il-Polonja); u FMC Corp. (Filadelfja, Pensilvanja, l-Istati Uniti) (rappreżentanti: C. Mereu u K. Van Maldegem, avukati)
Konvenuta: Il-Kummissjoni tal-Komunitajiet Ewropej (rappreżentanti: L. Parpala u B. Doherty, aġenti)
Suġġett
Talba għas-sospensjoni ta' l-eżekuzzjoni tad-Deċiżjoni tal-Kummissjoni 2007/416/KE, tat-13 ta' Ġunju 2007, dwar in-noninklużjoni tal-carbofuran fl-Anness I tad-Direttiva tal-Kunsill 91/414/KEE u l-irtirar ta' awtorizzazzjonijiet għal prodotti għall-ħarsien tal-pjanti li fihom din is-sustanza (ĠU L 156, p. 30), sakemm tingħata s-sentenza fil-kawża prinċipali.
Dispożittiv
It-talba għal proċedura sommarja hija miċħuda.
L-ispejjeż huma rriżervati.
____________