Talba għal deċiżjoni preliminari mressqa mill-Judecătoria Oradea (ir-Rumanija) fis-7 ta’ Marzu 2014 – Horațiu Ovidiu Costea vs SC Volksbank România SA
(Kawża C-110/14)
Lingwa tal-kawża: ir-Rumen
Qorti tar-rinviju
Judecătoria Oradea
Partijiet fil-kawża prinċipali
Rikorrent: Horațiu Ovidiu Costea
Konvenuta: SC Volksbank România SA
Domanda preliminari
Għall-finijiet tad-definizzjoni tal-kunċett ta’ “konsumatur”, l-Artikolu 2(b) tad-Direttiva tal-Kunsill 93/13/KEE, tal-5 ta’ April 1993, dwar klawżoli inġusti f’kuntratti mal-konsumatur 1 , għandu jiġi interpretat fis-sens li jinkludi jew fis-sens li jeskludi minn din id-definizzjoni persuna fiżika li teżerċita l-professjoni ta’ avukat li tikkonkludi kuntratt ta’ kreditu ma’ bank, mingħajr ma huwa speċifikat f’dan il-kuntratt l-għan tal-kreditu, li jsemmi l-kwalità ta’ garanzija ipotekarja tal-uffiċċju ta’ avukat tal-imsemmija persuna fiżika?
____________1 ĠU Edizzjoni Speċjali bil-Malti, Kapitolu 15, Vol. 2, p. 288.