Rikors ippreżentat fl-4 ta’ Jannar 2017 – Equivalenza Manufactory vs EUIPO - ITM Entreprises (BLACK LABEL BY EQUIVALENZA)
(Kawża T-6/17)
Lingwa tar-rikors: l-Ispanjol
Partijiet
Rikorrenti: Equivalenza Manufactory, SL (Barcelona, Spanja) (rappreżentanti: G. Macías Bonilla, G. Marín Raigal u E. Armero Lavie, avukati)
Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)
Parti oħra quddiem il-Bord tal-Appell: ITM Entreprises SA (Pariġi, Franza)
Informazzjoni dwar il-proċedimenti quddiem l-EUIPO
Applikant għat-trade mark kontenzjuża: ir-rikorrenti
Trade mark kontenzjuża kkonċernata: trade mark figurattiva tal-Unjoni Ewropea li tinkludi l-elementi verbali “BLACK LABEL BY EQUIVALENZA” – Applikazzjoni għal reġistrazzjoni Nru 13 576 616
Proċedimenti quddiem l-EUIPO: proċedimenti ta’ oppożizzjoni
Deċiżjoni kkontestata: deċiżjoni tat-Tieni Bord tal-Appell tal-EUIPO tal-11 ta’ Ottubru 2016 fil-Każ R 690/2016-2
Talbiet
tilqa’ dan ir-rikors u, għaldaqstant, tannulla d-deċiżjoni kkontestata;
tikkundanna lill-EUIPO għall-ispejjeż bħala konvenut u, eventwalment, lil ITM Enterprises bħala parti oħra quddiem il-Bord tal-Appell.
Motiv invokat
Ksur tal-Artikolu 8(1)(b) tar-Regolament Nru 207/2009.
____________