Edizzjoni Provviżorja
SENTENZA TAL‑QORTI TAL‑ĠUSTIZZJA (L‑Ewwel Awla)
25 ta’ April 2024 (*)
“Nuqqas ta’ Stat li jwettaq obbligu – Artikolu 258 TFUE – Protezzjoni tal-persuni li jirrapportaw ksur tad-dritt tal-Unjoni – Direttiva (UE) 2019/1937 – Assenza ta’ traspożizzjoni u ta’ komunikazzjoni tal-miżuri ta’ traspożizzjoni – Artikolu 260(3) TFUE – Talba għall-kundanna għall-ħlas ta’ somma f’daqqa u ta’ pagamenti ta’ penalità ta’ kuljum – Kriterji għad-determinazzjoni tal-ammont tas-sanzjoni – Applikazzjoni awtomatika ta’ koeffiċjent ta’ gravità – Determinazzjoni tal-kapaċità ta’ ħlas tal-Istat Membru – Kriterju demografiku”
Fil-Kawża C‑147/23
li għandha bħala suġġett rikors għal nuqqas ta’ twettiq ta’ obbligu skont l-Artikolu 258 u tal-Artikolu 260(3) TFUE, imressaq fl‑10 ta’ Marzu 2023,
Il-Kummissjoni Ewropea, irrappreżentata minn J. Baquero Cruz u M. Owsiany-Hornung, bħala aġenti,
rikorrenti,
vs
Ir-Repubblika tal-Polonja, irrappreżentata minn B. Majczyna, bħala aġent,
konvenuta,
SENTENZA TAL‑QORTI TAL‑ĠUSTIZZJA (L‑Ewwel Awla)
komposta minn A. Arabadjiev, President tal-Awla, T. von Danwitz, P. G. Xuereb, A. Kumin u I. Ziemele (Relatriċi), Imħallfin,
Avukat Ġenerali: N. Emiliou,
Reġistratur: A. Calot Escobar,
wara li rat il-proċedura bil-miktub,
wara li semgħet il-konklużjonijiet tal-Avukat Ġenerali, ippreżentati fis-seduta tal‑14 ta’ Marzu 2024,
tagħti l-preżenti
Sentenza
1 Permezz tar-rikors tagħha, il-Kummissjoni Ewropea titlob li l-Qorti tal-Ġustizzja jogħġobha:
– tiddikjara li, billi ma adottatx l-liġijiet, ir-regolamenti u d-dispożizzjonijiet amministrattivi neċessarji biex tikkonforma ruħha mad-Direttiva (UE) 2019/1937 tal-Parlament Ewropew u tal-Kunsill tat-23 ta’ Ottubru 2019 dwar il-protezzjoni ta’ persuni li jirrapportaw dwar ksur tal-liġi tal-Unjoni (ĠU 2019, L 305, p. 17), u billi ma kkomunikatx dawn id-dispożizzjonijiet lill-Kummissjoni, ir-Repubblika tal-Polonja naqset milli twettaq l-obbligi tagħha taħt l-Artikolu 26(1) u (3) ta’ din id-direttiva;
– timponi fuq ir-Repubblika tal-Polonja l-ħlas ta’ somma f’daqqa li tikkorrispondi għall-ogħla miż-żewġ ammonti li ġejjin:
– ammont f’daqqa ta’ kuljum ta’ EUR 13 700 immultiplikat bin-numru ta’ jiem li ddekorrew bejn id-data ta’ wara l-iskadenza tat-terminu għat-traspożizzjoni tad-Direttiva 2019/1937 stabbilit fiha u d-data tal-waqfien tal-ksur, jew, fil-każ fejn is-sitwazzjoni ma tkunx ġiet irregolarizzata, id-data tal-għoti tas-sentenza f’din il-kawża;
– ammont f’daqqa minimu ta’ EUR 3 836 000;
– jekk in-nuqqas ta’ twettiq ta’ obbligu kkonstatat fl-ewwel inċiż jippersisti sal-għoti tas-sentenza f’din il-kawża, jimponi fuq ir-Repubblika tal-Polonja l-ħlas ta’ pagamenti ta’ penalità fl-ammont ta’ EUR 53 430 għal kull jum ta’ dewmien b’effett mid-data tal-għoti ta’ din is-sentenza u sal-osservanza mir-Repubblika tal-Polonja tal-obbligi li jirriżultaw mid-Direttiva 2019/1937, u
– tikkundanna lir-Repubblika tal-Polonja għall-ispejjeż.
Il‑kuntest ġuridiku
Id‑Direttiva 2019/1937
2 Il-premessa 1 tad-Direttiva 2019/1937 tipprovdi:
“[...] [L-]informaturi potenzjali spiss jiġu skoraġġuti milli jirrapportaw it-tħassib jew is-suspetti tagħhom għax jibżgħu minn xi ritaljazzjoni. F’dan il-kuntest, l-importanza li tiġi pprovduta protezzjoni bbilanċjata u effettiva lill-informaturi hija dejjem aktar rikonoxxuta kemm fil-livell tal-Unjoni [Ewropea] kif ukoll f’dak internazzjonali”.
3 Skont l-Artikolu 1 ta’ din id-direttiva:
“L-iskop ta’ din id-Direttiva huwa li jittejjeb l-infurzar tal-liġi u l-politiki tal-Unjoni f’oqsma speċifiċi billi jiġu stabbiliti standards minimi komuni li jipprevedu protezzjoni ta’ livell għoli għal persuni li jirrapportaw ksur tal-liġi tal-Unjoni”.
4 L-Artikolu 26 tal-imsemmija Direttiva 2019/1937 jipprevedi:
“1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva sas‑17 ta’ Diċembru 2021.
[...]
3. Meta l-Istati Membri jadottaw id-dispożizzjonijiet imsemmija fil-paragrafi 1 u 2, dawk id-dispożizzjonijiet għandhom jinkludu referenza għal din id-Direttiva jew jiġu akkumpanjati b’tali referenza meta jiġu ppubblikati uffiċjalment. L-Istati Membri għandhom jiddeterminaw il-mod kif għandha ssir dik ir-referenza. Huma għandhom jikkomunikaw minnufih lill-Kummissjoni t-test ta’ dawk id-dispożizzjonijiet”.
Il-Komunikazzjoni tal-2023
5 Il-Komunikazzjoni tal-Kummissjoni 2023/C 2/01, intitolata “Sanzjonijiet finanzjarji fi proċedimenti ta’ ksur” (ĠU 2023, C 2, p. 1, iktar ’il quddiem il-“Komunikazzjoni tal‑2023”), tiddedika l-punti 3 u 4 tagħha rispettivament għall-“Pagament ta’ penali” u għal “Ħlas ta’ somma f’daqqa”.
6 Il-punt 3 ta’ din il-komunikazzjoni jipprevedi, fit-tieni paragrafu tiegħu:
“L-ammont tal-pagament ta’ penali ta’ kuljum huwa kkalkolat kif ġej:
– multiplikazzjoni ta’ ammont b’rata fissa b’koeffiċjent għas-serjetà u koeffiċjent għal kemm idum,
– multiplikazzjoni tar-riżultat miksub b’ammont stabbilit mill-Istat Membru (il-fattur n) li jirrifletti l-kapaċità ta’ ħlas tal-Istat Membru kkonċernat”.
7 Il-punt 3.2 tal-imsemmija komunikazzjoni, dwar l-applikazzjoni tal-koeffiċjent ta’ gravità fil-kuntest tal-kalkolu tal-pagamenti ta’ penalità ta’ kuljum, huwa fformulat kif ġej:
“Ksur li jikkonċerna n-nuqqas ta’ konformità ta’ Stat Membru ma’ sentenza jew in-nuqqas tiegħu li jinnotifika miżuri li jittrasponu direttiva adottata skont proċedura leġiżlattiva dejjem jitqies bħala serju. Biex tadatta l-ammont tal-penali għaċ-ċirkostanzi speċifiċi tal-każ, il-Kummissjoni tiddetermina l-koeffiċjent għas-serjetà fuq il-bażi ta’ żewġ parametri: l-importanza tar-regoli tal-Unjoni li nkisru jew li ma ġewx trasposti u l-effetti tal-ksur fuq l-interessi ġenerali u partikolari.
Fid-dawl tal-kunsiderazzjonijiet żviluppati hawn taħt, is-serjetà tal-ksur hija ddeterminata minn koeffiċjent stabbilit mill-Kummissjoni ta’ bejn minimu ta’ 1 u massimu ta’ 20”.
8 Il-punt 3.2.2 tal-istess komunikazzjoni jipprovdi:
“Għal azzjonijiet ippreżentati skont l-Artikolu 260(3) TFUE, il-Kummissjoni tapplika sistematikament koeffiċjent għas-serjetà ta’ 10 f’każ ta’ nuqqas sħiħ ta’ notifika ta’ miżuri ta’ traspożizzjoni. F’Unjoni bbażata fuq ir-rispett tal-istat tad-dritt, id-direttivi leġiżlattivi kollha għandhom jitqiesu ta’ importanza ugwali u jirrikjedu traspożizzjoni sħiħa mill-Istati Membri fl-iskadenzi li jistabbilixxu.
Fil-każ ta’ nuqqas parzjali ta’ notifika tal-miżuri ta’ traspożizzjoni, għandha titqies l-importanza tad-diskrepanza fit-traspożizzjoni meta jiġi stabbilit il-koeffiċjent għas-serjetà li jkun anqas minn 10. Barra minn hekk, jistgħu jitqiesu l-effetti tal-ksur fuq l-interessi ġenerali u partikolari [...]”.
9 Skont il-punt 3.3 tal-Komunikazzjoni tal‑2023, intitolat “Applikazzjoni tal-koeffiċjent għal kemm idum”:
“[...]
Il-koeffiċjent għal kemm idum huwa espress bħala multiplikatur ta’ bejn 1 u 3. Dan jiġi kkalkolat b’rata ta’ 0,10 fix-xahar mid-data tal-ewwel sentenza jew mill-jum wara l-iskadenza għat-traspożizzjoni tad-direttiva inkwistjoni.
[...]”
10 Il-punt 3.4 ta’ din il-komunikazzjoni, intitolat “Il-kapaċità tal-Istat Membru li jħallas”, jipprevedi:
“[...]
Il-livell ta’ sanzjoni meħtieġ biex iservi bħala deterrent se jvarja skont il-kapaċità tal-Istati Membri li jħallsu. Dan l-effett ta’ deterrent huwa rifless fil-fattur n. Huwa ddefinit bħala medja ġeometrika ponderata tal-prodott domestiku gross (PDG) [...] tal-Istat Membru kkonċernat meta mqabbla mal-medja tal-PDG tal-Istati Membri, b’piż ta’ tnejn, u tal-popolazzjoni tal-Istat Membru kkonċernat, meta mqabbla mal-medja tal-popolazzjonijiet tal-Istati Membri, b’piż ta’ wieħed. Dan jirrappreżenta l-kapaċità li l-Istat Membru kkonċernat iħallas meta mqabbel mal-kapaċità tal-Istati Membri l-oħra li jħallsu:
![Image not found](data:image/png;base64,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)
[...]
[...] il-Kummissjoni ddeċidiet li tirrevedi l-metodu tagħha għall-kalkolu tal-fattur n, li issa jibbaża l-aktar fuq il-PDG tal-Istati Membri u t-tieni fuq il-popolazzjoni tagħhom bħala kriterju demografiku li jippermetti li tinżamm devjazzjoni raġonevoli bejn id-diversi Stati Membri. Meta titqies il-popolazzjoni tal-Istati Membri għal terz tal-kalkolu tal-fattur n, il-varjazzjoni tal-fatturi n tal-Istati Membri titnaqqas b’mod raġonevoli, meta mqabbla ma’ kalkolu bbażat biss fuq il-PDG tal-Istati Membri. Dan iżid ukoll element ta’ stabbiltà fil-kalkolu tal-fattur n, billi l-popolazzjoni x’aktarx li ma hijiex se tvarja b’mod sinifikanti fuq bażi annwali. B’kuntrast għal dan, il-PDG ta’ Stat Membru jista’ jesperjenza varjazzjonijiet annwali ogħla, b’mod partikolari f’perjodi ta’ kriżi ekonomika. Fl-istess ħin, billi l-PDG tal-Istat Membru għadu jammonta għal żewġ terzi tal-kalkolu, jibqa’ l-fattur predominanti għall-finijiet tal-valutazzjoni tal-kapaċità tiegħu li jħallas.
[...]”
11 Il-punt 4.2 tal-imsemmija komunikazzjoni jippreċiża l-metodu ta’ kalkolu tas-somma f’daqqa kif ġej:
“Is-somma f’daqqa tiġi kkalkolata b’mod ġeneralment simili għall-metodu għall-kalkolu tal-pagament ta’ penali, jiġifieri:
– il-multiplikazzjoni ta’ ammont b’rata fissa b’koeffiċjent għas-serjetà,
– il-multiplikazzjoni tar-riżultat bil-fattur n,
– il-multiplikazzjoni tar-riżultat bin-numru ta’ jiem li l-ksur jippersisti [...]
[...]”.
12 Il-punt 4.2.1 tal-istess komunikazzjoni jipprevedi:
“Biex tiġi kkalkolata s-somma f’daqqa, l-ammont ta’ kuljum għandu jiġi mmultiplikat bin-numru ta’ jiem li l-ksur jippersisti. Dan tal-aħħar huwa ddefinit kif ġej:
[...]
– għal azzjonijiet ippreżentati skont l-Artikolu 260(3) TFUE, dan huwa n-numru ta’ jiem bejn il-jum wara l-iskadenza għat-traspożizzjoni stabbilita fid-direttiva inkwistjoni u d-data li fiha jintemm il-ksur, jew, fin-nuqqas ta’ konformità, id-data li fiha tingħata s-sentenza skont l-Artikolu 260 TFUE.
[...]”.
13 Skont il-punt 4.2. 2 tal-Komunikazzjoni tal-2023:
“Għall-kalkolu tas-somma f’daqqa, il-Kummissjoni tapplika l-istess koeffiċjent għas-serjetà u l-istess fattur n fiss bħal għall-kalkolu tal-pagament ta’ penali [...]
L-ammont b’rata fissa għas-somma f’daqqa huwa anqas minn dak għall-pagamenti ta’ penali. [...]
L-ammont b’rata fissa applikabbli għas-somma f’daqqa huwa stabbilit fil-punt 2 tal-Anness I.
[...]”.
14 L-Anness I ta’ din il-komunikazzjoni, intitolat “Data użata għad-determinazzjoni tas-sanzjonijiet finanzjarji proposti lill-Qorti ” jipprevedi, fil-punt 1 tiegħu, li l-ammont b’rata fissa tal-pagamenti ta’ penalità msemmi fil-punt 3 tal-imsemmija komunikazzjoni huwa stabbilit għal EUR 3 000 kuljum, fil-punt 2 tiegħu, li l-ammont tas-somma f’daqqa msemmi fil-punt 4.2.2 tal-imsemmija komunikazzjoni huwa stabbilit għal EUR 1 000 għal kuljum, li jikkorrispondi għal terz tal-ammont b’rata fissa tal-pagamenti ta’ penalità, u, fil-punt 3 tiegħu, li l-fattur “n” għar-Repubblika tal-Polonja huwa stabbilit għal 1.37. Fil-punt 5 ta’ dan l-Anness I, huwa ppreċiżat li s-somma f’daqqa minima stabbilita għar-Repubblika tal-Polonja tammonta għal EUR 3 836 000.
Il-proċedura prekontenzjuża
15 Fis‑27 ta’ Jannar 2022, il-Kummissjoni bagħtet ittra ta’ intimazzjoni lir-Repubblika tal-Polonja, li fiha allegat li din tal-aħħar kienet naqset milli tikkomunika lilha l-miżuri adottati għat-traspożizzjoni tad-Direttiva 2019/1937. Fir-risposta tagħha tat‑23 ta’ Marzu 2022, ir-Repubblika tal-Polonja sempliċement indikat li tali miżuri kienu fil-proċess li jiġu adottati.
16 Fil‑15 ta’ Lulju 2022, il-Kummissjoni bagħtet opinjoni motivata lir-Repubblika tal-Polonja, li fiha stiednet lil din tal-aħħar sabiex twettaq l-obbligi tagħha skont id-Direttiva 2019/1937 fi żmien xahrejn, li jibdew jiddekorru mid-data tan-notifika tal-imsemmija opinjoni.
17 Fir-risposta tagħha tal‑15 ta’ Settembru 2022, ir-Repubblika tal-Polonja enfasizzat in-neċessità li jsiru konsultazzjonijiet ministerjali fil-fond dwar il-kwistjonijiet li jaqgħu taħt id-Direttiva 2019/1937, b’tali mod li t-tlestija tax-xogħlijiet parlamentari hija prevista għall-aħħar tas-sena 2022 u li l-pubblikazzjoni fil-Ġurnal Uffiċjali Pollakk tal-liġijiet, ir-regolamenti u d-dispożizzjonijiet amministrattivi li jippermettu li jkun hemm konformità mad-Direttiva 2019/1937 ser tkun prevista għax-xahar ta’ Jannar 2023. Permezz ta’ posta elettronika tal‑11 ta’ Jannar 2023, dan l-Istat Membru ppreċiża li din il-pubblikazzjoni kellha ssir matul ix-xahar ta’ Awwissu 2023.
18 Huwa f’dawn iċ-ċirkustanzi li l-Kummissjoni ddeċidiet, fil‑15 ta’ Frar 2023, li tadixxi lill-Qorti tal-Ġustizzja b’dan ir-rikors.
Fuq in‑nuqqas ta’ twettiq ta’ obbligu taħt l-Artikolu 258 TFUE
L‑argumenti tal‑partijiet
19 Il-Kummissjoni tfakkar li, skont it-tielet paragrafu tal-Artikolu 288 TFUE, l-Istati Membri huma obbligati jadottaw id-dispożizzjonijiet neċessarji għat-traspożizzjoni tad-direttivi fis-sistema ġuridika nazzjonali tagħhom, fit-termini stabbiliti minn dawn id-direttivi, u jikkomunikaw immedjatament dawn id-dispożizzjonijiet lill-Kummissjoni.
20 Din l-istituzzjoni tippreċiża li l-eżistenza ta’ kull nuqqas ta’ twettiq ta’ dawn l-obbligi għandha tiġi evalwata skont kif kienet is-sitwazzjoni tal-Istat Membru fl-iskadenza tat-terminu stabbilit fl-opinjoni motivata li hija indirizzatilha.
21 Issa, f’dan il-każ, ir-Repubblika tal-Polonja ma adottatx l-imsemmija dispożizzjonijiet u lanqas ma informat lill-Kummissjoni bl-adozzjoni tagħhom qabel l-iskadenza tat-terminu stabbilit fl-opinjoni motivata tal‑15 ta’ Lulju 2022.
22 Filwaqt li tirrikonoxxi n-nuqqas ta’ twettiq ta’ obbligu inkwistjoni, ir-Repubblika tal-Polonja tiġġustifika d-dewmien tat-traspożizzjoni tad-Direttiva 2019/1937 fl-ordinament ġuridiku nazzjonali tagħha, qabel kollox, abbażi tan-neċessità li jittawwal ix-xogħol leġiżlattiv fid-dawl tal-kamp ta’ applikazzjoni wiesa’ ta’ din id-direttiva. L-adozzjoni tal-liġijiet, ir-regolamenti u d-dispożizzjonijiet amministrattivi neċessarji sabiex ikun hemm konformità mal-imsemmija direttiva kienet teħtieġ konsultazzjonijiet pubbliċi wiesgħa mmexxija mill-Ministeru għall-Familja u għall-Politika Soċjali. L-abbozz ta’ liġi li jirrigwarda t-traspożizzjoni tad-Direttiva 2019/1937, barra minn hekk, ġie emendat diversi drabi matul il-ftehimiet interministerjali.
23 Sussegwentement, il-proċedura ta’ tfassil tal-liġi ta’ traspożizzjoni tad-Direttiva 2019/1937 ġiet imdewma minħabba d-diffikultajiet ikkawżati mill-pandemija tal-COVID-19, li fixklet l-organizzazzjoni tax-xogħol leġiżlattiv.
24 Fl-aħħar nett, il-gwerra fl-Ukraina u l-influss ta’ refuġjati li rriżultaw minnha mmobilizzaw ħafna r-riżorsi tal-Ministeru tal-Familja u tal-Politika Soċjali, responsabbli mit-tfassil tal-imsemmija liġi.
25 Fir-replika tagħha, il-Kummissjoni tirrileva, minn naħa, li l-leġiżlatur tal-Unjoni qies li terminu ta’ sentejn kien suffiċjenti sabiex jippermetti lill-Istati Membri jikkonformaw ruħhom mal-obbligi tagħhom fil-qasam tat-traspożizzjoni tad-Direttiva 2019/1937. Issa, id-diffikultajiet invokati mir-Repubblika tal-Polonja huma relatati ma’ dispożizzjonijiet, prattiċi jew sitwazzjonijiet tal-ordinament ġuridiku nazzjonali tagħha li, skont ġurisprudenza stabbilita, ma jistgħux jiġġustifikaw dewmien fit-traspożizzjoni tal-imsemmija direttiva.
26 Min-naħa l-oħra, iċ-ċirkustanzi partikolari marbuta mal-pandemija tal-COVID-19 kif ukoll mal-gwerra fl-Ukraina jistgħu jkunu rilevanti sabiex jiġġustifikaw tali dewmien biss bil-kundizzjoni li l-att tal-Unjoni kkonċernat jipprevedi l-possibbiltà ta’ derogi jew ta’ eċċezzjonijiet f’tali ċirkustanzi jew li l-kriterji ta’ sitwazzjoni ta’ forza maġġuri jkunu ssodisfatti, li ma huwiex il-każ f’dan il-każ. Barra minn hekk, l-Istati Membri jistgħu jinvokaw il-forza maġġuri biss għall-perijodu neċessarju sabiex jegħlbu l-ostakoli li jirriżultaw mis-sitwazzjoni inkwistjoni, perijodu li ma jistax jippersisti għal sentejn. Issa, dan ir-rikors ġie ppreżentat iktar minn tlettax-il xahar wara l-iskadenza tat-terminu għat-traspożizzjoni ta’ sentejn previst mid-Direttiva 2019/1937. Fl-aħħar nett, it-tieni invażjoni tal-Ukraina mill-Federazzjoni Russa bdiet fl‑24 ta’ Frar 2002, jiġifieri wara l-iskadenza ta’ dan it-terminu.
Il‑kunsiderazzjonijiet tal‑Qorti tal‑Ġustizzja
27 Skont l-Artikolu 26(1) tad-Direttiva 2019/1937, l-Istati Membri għandhom, mhux iktar tard mis‑17 ta’ Diċembru 2021, l-obbligu li jaddottaw liġijiet, regolamenti u dispożizzjonijiet amministrattivi neċessarji sabiex jikkonformaw ruħhom mad-direttiva. Barra minn hekk, skont l-Artikolu 26(3) ta’ din id-direttiva, huma l-Istati Membri li għandhom jikkomunikaw lill-Kummissjoni t-test ta’ dawn id-dispożizzjonijiet.
28 Skont ġurisprudenza stabbilita tal-Qorti tal-Ġustizzja, l-eżistenza ta’ nuqqas ta’ twettiq ta’ obbligu għandha tiġi evalwata skont kif kienet is-sitwazzjoni tal-Istat Membru meta skada t-terminu stabbilit fl-opinjoni motivata tal-Kummissjoni, b’tali mod li l-bidliet li jkunu seħħew sussegwentement ma jkunux jistgħu jittieħdu inkunsiderazzjoni mill-Qorti tal-Ġustizzja (sentenzi tal‑25 ta’ Frar 2021, Il‑Kummissjoni vs Spanja (Direttiva data personali – qasam kriminali), C‑658/19, EU:C:2021:138, punt 15, kif ukoll dik tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 28 u l-ġurisprudenza ċċitata).
29 F’dan il-każ, ġie stabbilit terminu ta’ xahrejn, fl-opinjoni motivata tal‑15 ta’ Lulju 2022, lir-Repubblika tal-Polonja sabiex tikkonforma ruħha mal-obbligi tagħha msemmija f’din l-opinjoni.
30 Issa, kif jirriżulta mir-risposta u mill-kontroreplika ppreżentati mir-Repubblika tal-Polonja f’din il-proċedura, fl-iskadenza tat-terminu stabbilit fl-opinjoni motivata tal‑15 ta’ Lulju 2022, ir-Repubblika tal-Polonja ma kinitx adottat il-liġijiet, ir-regolamenti u d-dispożizzjonijiet amministrattivi neċessarji sabiex tikkonforma ruħha mad-Direttiva 2019/1937 u, għaldaqstant, dan l-Istat Membru lanqas ma kien ikkomunika dawn id-dispożizzjonijiet lill-Kummissjoni fl-iskadenza ta’ dan it-terminu.
31 Madankollu, kif indikat fil-punti 22 sa 24 ta’ din is-sentenza, skont ir-Repubblika tal-Polonja, diversi ċirkustanzi jiġġustifikaw in-nuqqas ta’ osservanza tat-terminu għat-traspożizzjoni ta’ din id-direttiva.
32 L-ewwel nett, dan l-Istat Membru jsostni l-estensjoni tax-xogħlijiet leġiżlattivi fid-dawl tal-kamp ta’ applikazzjoni wiesa’ tal-imsemmija direttiva.
33 F’dan ir-rigward, għandu jitfakkar li, skont ġurisprudenza stabbilita tal-Qorti tal-Ġustizzja, Stat Membru ma jistax jeċċepixxi dispożizzjonijiet, prattiċi jew sitwazzjonijiet tal-ordinament ġuridiku nazzjonali tiegħu sabiex jiġġustifika nuqqas ta’ osservanza tal-obbligi li jirriżultaw mid-dritt tal-Unjoni, bħall-assenza ta’ traspożizzjoni ta’ direttiva fit-terminu stabbilit (sentenza tal‑25 ta’ Frar 2021, Il‑Kummissjoni vs Spanja (Direttiva data personali – qasam kriminali), C‑658/19, EU:C:2021:138, punt 19 u l-ġurisprudenza ċċitata).
34 Barra minn hekk, skont l-Artikolu 26(1) tad-Direttiva 2019/1937, il-leġiżlatur tal-Unjoni qies li terminu għat-traspożizzjoni ta’ sentejn kien suffiċjenti sabiex jippermetti lill-Istati Membri jikkonformaw ruħhom mal-obbligi tagħhom.
35 It-tieni nett, ir-Repubblika tal-Polonja ssostni li l-proċedura ta’ traspożizzjoni ta’ din id-direttiva ddewmet minħabba d-diffikultajiet ikkawżati mill-pandemija tal-COVID-19 kif ukoll mill-influss ta’ refuġjati li jirriżultaw mill-aggressjoni kontra l-Ukraina.
36 Issa, minn naħa, anki jekk jitqies li r-Repubblika tal-Polonja tqis li d-diffikultajiet organizzattivi marbuta mal-pandemija tal-COVID-19 u mal-influss ta’ refuġjati li jirriżultaw mill-aggressjoni kontra l-Ukraina jikkostitwixxu każ ta’ forza maġġuri li pprekluda t-traspożizzjoni tad-Direttiva 2019/1937 fit-terminu stabbilit, għandu, qabel kollox, jiġi kkonstatat li dan l-Istat Membru jirreferi għall-ewwel darba fl-istadju tar-risposta għal dawn l-avvenimenti bħala ġustifikazzjoni għad-dewmien fit-traspożizzjoni ta’ din id-direttiva. Sussegwentement, skont ġurisprudenza stabbilita, anki jekk il-kunċett ta’ “forza maġġuri” ma jippreżupponix impossibbiltà assoluta, dan jeżiġi madankollu li n-nuqqas ta’ twettiq ta’ obbligu inkwistjoni jkun dovut għal ċirkustanzi esterni għal dak li jinvokahom, anormali u imprevedibbli, li l-konsegwenzi tagħhom ma setgħux jiġu evitati minkejja d-diliġenza kollha użata, fejn barra minn hekk sitwazzjoni ta’ forza maġġuri tista’ tiġi invokata biss għall-perijodu neċessarju sabiex jiġu rrimedjati dawn id-diffikultajiet (sentenza tat‑8 ta’ Ġunju 2023, Il‑Kummissjoni vs Is‑Slovakkja (Dritt tat‑terminazzjoni mingħajr spejjeż, C‑540/21, EU:C:2023:450, punt 81). Issa, għalkemm kriżi sanitarja ta’ skala bħal dik tal-pandemija tal-COVID-19 kif ukoll l-influss ta’ refuġjati li jirriżultaw mill-aggressjoni kontra l-Ukraina huma avvenimenti estranji għar-Repubblika tal-Polonja, anormali u imprevedibbli, xorta jibqa’ l-fatt li dan l-Istat Membru kellu jaġixxi bid-diliġenza kollha meħtieġa billi jinforma fi żmien xieraq lill-Kummissjoni bid-diffikultajiet li ltaqgħet magħhom, tal-inqas qabel l-iskadenza tat-terminu stabbilit fl-opinjoni motivata tal‑15 ta’ Lulju 2022. Fl-aħħar nett, huwa paċifiku li r-Repubblika tal-Polonja kienet għadha ma ttrasponietx id-Direttiva 2019/1937 fi tmiem il-fażi bil-miktub ta’ din il-proċedura, jiġifieri kważi sena wara l-iskadenza tat-terminu previst fl-opinjoni motivata tal‑15 ta’ Lulju 2022 u iktar minn sena u nofs wara l-iskadenza tat-terminu previst fl-Artikolu 26(1) ta’ din id-direttiva.
37 F’dawn iċ-ċirkustanzi, in-nuqqas ta’ twettiq ta’ obbligu inkwistjoni ma jistax jiġi ġġustifikat la mis-seħħ ta’ pandemija matul is-sena 2020, u lanqas mid-diffikultajiet li ltaqa’ magħhom dan l-Istat Membru minħabba l-aggressjoni kontra l-Ukraina, avvenimenti li, kif irrileva, essenzjalment, l-Avukat Ġenerali fil-punti 45 u 48 tal-konklużjonijiet tiegħu, jista’ jkollhom biss effett indirett fuq il-proċess ta’ traspożizzjoni tal-imsemmija direttiva.
38 Għaldaqstant, ir-Repubblika tal-Polonja ma tistax tinvoka utilment dawn iċ-ċirkustanzi sabiex tiġġustifika l-assenza ta’ traspożizzjoni tad-Direttiva 2019/1937 fit-terminu stabbilit. Konsegwentement, għandu jiġi kkonstatat li, billi ma adottatx, sal-iskadenza tat-terminu mogħti fl-opinjoni motivata tal‑15 ta’ Lulju 2022, il-liġijiet, ir-regolamenti u d-dispożizzjonijiet amministrattivi neċessarji sabiex tikkonforma ruħha mad-Direttiva 2019/1937 u, għalhekk, billi ma kkomunikatx dawn id-dispożizzjonijiet lill-Kummissjoni, ir-Repubblika tal-Polonja naqset milli twettaq l-obbligi tagħha taħt l-Artikolu 26(1) u (3) ta’ din id-direttiva.
Fuq is‑sanzjonijiet pekunjarji skont l-Artikolu 260(3) TFUE
L‑argumenti tal‑partijiet
39 Peress li qieset li n-nuqqas ta’ twettiq ta’ obbligu li bih hija akkużata r-Repubblika tal-Polonja kien għadu jippersisti fil-mument li fih il-Kummissjoni adixxiet lill-Qorti tal-Ġustizzja b’dan ir-rikors, il-Kummissjoni tipproponi, abbażi tal-Artikolu 260(3) TFUE, li timponi fuq dan l-Istat Membru l-ħlas kemm ta’ somma f’daqqa kif ukoll ta’ pagamenti ta’ penalità ta’ kuljum.
40 Sabiex jiġu stabbiliti l-ammonti ta’ dawn is-sanzjonijiet pekunjarji, il-Kummissjoni tibbaża ruħha fuq il-prinċipji ġenerali msemmija fil-punt 2 tal-Komunikazzjoni tal‑2023 kif ukoll fuq il-metodu ta’ kalkolu li jinsab fil-punti 3 u 4 ta’ din l-istess komunikazzjoni. B’mod partikolari, din l-istituzzjoni tindika li d-determinazzjoni tal-imsemmija sanzjonijiet għandha tkun ibbażata fuq il-kriterji fundamentali li huma l-gravità tal-ksur, it-tul tiegħu u n-neċessità li jiġi żgurat l-effett dissważiv tas-sanzjoni sabiex jiġu evitati r-reċidivi.
41 Fl-ewwel lok, fir-rigward tal-gravità tal-ksur, il-Kummissjoni tfakkar li l-koeffiċjent applikabbli skont il-Kommunikazzjoni tal‑2023 huwa bejn minimu ta’ 1 u massimu ta’ 20. Din l-istituzzjoni tippreċiża li, skont il-punt 3.2.2 ta’ din il-kommunikazzjoni, hija tapplika sistematikament koeffiċjent ta’ gravità ta’ 10 f’każ ta’ nuqqas sħiħ ta’ twettiq tal-obbligu ta’ komunikazzjoni tal-miżuri ta’ traspożizzjoni ta’ direttiva, kull nuqqas ta’ traspożizzjoni ta’ direttiva u ta’ kommunikazzjoni ta’ dawn il-miżuri li jkollu l-istess grad ta’ gravità, indipendentement min-natura tad-dispożizzjonijiet tad-direttiva kkonċernata. Tali awtomatiċità tippermetti li tiġi ggarantita l-ugwaljanza tal-Istati Membri quddiem it-Trattati, konformement mal-Artikolu 4(2) TUE.
42 Fit-tieni lok, fir-rigward tat-tul tal-ksur, il-Kummissjoni tirrileva li, skont il-punt 3.3 tal-Komunikazzjoni tal‑2023, il-koeffiċjent ta’ tul huwa espress bħala multiplikatur ta’ bejn 1 u 3 u huwa kkalkolat b’rata ta’ 0.10 fix-xahar mill-ġurnata ta’ wara l-iskadenza tat-terminu għat-traspożizzjoni tad-direttiva inkwistjoni sal-mument li fih il-Kummissjoni tiddeċiedi li tadixxi lill-Qorti tal-Ġustizzja. Peress li t-tul ta’ dan il-perijodu huwa, f’dan il-każ, ta’ 13-il xahar, il-koeffiċjent tad-dewmien li għandu jintuża huwa ta’ 1.3.
43 Fir-rigward, fit-tielet lok, tal-kriterju relatat man-neċessità li jiġi żgurat l-effett dissważiv tas-sanzjoni fid-dawl tal-kapaċità ta’ ħlas tal-Istat Membru kkonċernat, dan huwa espress bil-fattur “n” stabbilit għal kull Stat Membru fil-punt 3 tal-Anness I tal-Komunikazzjoni tal‑2023. Il-kalkolu tiegħu huwa bbażat fuq ir-relazzjoni bejn il-PDG tal-Istat ikkonċernat u l-PDG medju nazzjonali tal-Unjoni mmultiplikat bir-relazzjoni ta’ bejn il-popolazzjoni ta’ dak l-Istat u l-popolazzjoni medja nazzjonali tal-Unjoni. L-ewwel relazzjoni hija peżata b’żewġ terzi filwaqt li t-tieni relazzjoni hija peżata b’terz. Minn dan jirriżulta li, fir-rigward tar-Repubblika tal-Polonja, il-fattur “n” huwa ta’ 1.37. Skont il-Kummissjoni, it-teħid inkunsiderazzjoni tal-popolazzjoni tal-Istat Membru kkonċernat bħala kriterju sekondarju għall-iffissar ta’ dan il-fattur jippermetti li tinżamm differenza raġonevoli tal-fattur “n” bejn l-Istati Membri u li tiġi ggarantita ċerta stabbiltà ta’ dan il-koeffiċjent, konformement mal-ġurisprudenza tal-Qorti tal-Ġustizzja. Barra minn hekk, peress li d-data użata mill-Kummissjoni hija aġġornata kull sena, għandhom jitqiesu kif xieraq il-varjazzjonijiet fil-PDG tal-Istat Membru kkonċernat.
44 Konsegwentement, l-ewwel nett, fir-rigward tal-kalkolu tal-ammont tas-somma f’daqqa, il-Kummissjoni tipproponi, skont il-punt 4.2 tal-Kommunikazzjoni tal‑2023, li jintuża koeffiċjent ta’ gravità ta’ 10 u li jiġi applikat l-fattur “n” ta’ 1.37. Il-prodott ta’ dawn iż-żewġ elementi għandu jiġi mmultiplikat bl-ammont tas-somma f’daqqa stabbilita fil-punt 2 tal-Anness I ta’ din il-komunikazzjoni, jiġifieri 1,000 EUR, li jikkorrispondi għas-somma ta’ 13,700 EUR, liema somma għandha tiġi mmultiplikata bin-numru ta’ ġranet li waqthom in-nuqqas ta’ twettiq ta’ obbligu ppersista, konformement mal-punt 4.2.1 tal-imsemmija kommunikazzjoni. Il-Kummissjoni tindika li l-ħlas ta’ din is-somma f’daqqa għandu jiġi impost bil-kundizzjoni li jkun ogħla minn EUR 3 836 000, ammont tas-somma f’daqqa minimu stabbilit għar-Repubblika tal-Polonja skont il-punt 5 tal-Anness I tal-Komunikazzjoni tal‑2023.
45 It-tieni nett, fir-rigward tal-iffissar tal-ammont tal-pagamenti ta’ penalità, il-Kummissjoni tipproponi li tiġi mmultiplikata s-somma f’daqqa tal-pagamenti ta’ penalità stabbiliti fil-punt 1 tal-Anness I tal-Komunikazzjoni tal‑2023, li tammonta għal EUR 3 000 kuljum, bil-koeffiċjent ta’ gravità ta’ 10, bil-koeffiċjent ta’ tul ta’ 1.3 kif ukoll bil-fattur “n” ta’ 1.37, li jikkorrispondi għal pagamenti ta’ penalità ta’ ammont ta’ EUR 53 430 kuljum.
46 Fl-aħħar nett, il-Kummissjoni tipproponi li jiġi kkunsidrat li d-data li fiha jidħol fis-seħħ l-obbligu ta’ ħlas hija dik tal-għoti tas-sentenza li ser tingħata f’din il-kawża.
47 Ir-Repubblika tal-Polonja tqis li l-ammonti tal-pagamenti ta’ penalità u tas-somma f’daqqa proposti mill-Kummissjoni huma eċċessivi u sproporzjonati.
48 Minn naħa, dan l-Istat Membru jirrileva li l-applikazzjoni sistematika ta’ koeffiċjent ta’ gravità ta’ 10 fil-każ ta’ nuqqas sħiħ ta’ twettiq tal-obbligu ta’ komunikazzjoni tal-miżuri ta’ traspożizzjoni ta’ direttiva tipprekludi kull teħid inkunsiderazzjoni taċ-ċirkustanzi speċifiċi u partikolari għall-proċess leġiżlattiv u tal-istat ta’ progress tal-leġiżlazzjoni nazzjonali. F’dan il-każ, dispożizzjonijiet differenti tad-Direttiva 2019/1937 jikkorrispondu għal regoli fis-seħħ fil-leġiżlazzjoni nazzjonali eżistenti li, anki jekk ma ġewx ikkomunikati bħala tali lill-Kummissjoni, għandhom jittieħdu inkunsiderazzjoni għad-determinazzjoni tal-koeffiċjent ta’ gravità. Qabelxejn, il-Kodiċi tax-Xogħol Pollakk jinkludi dispożizzjoni li timplimenta l-Artikolu 19 tad-Direttiva 2019/1937. Sussegwentement, il-Kodiċi ta’ Proċedura Amministrattiva Pollakk jipprevedi l-ħolqien ta’ kanali ta’ rapportar għall-ksur tad-dritt, kif ukoll il-protezzjoni tal-persuni li jirrapportaw dan il-ksur. Fl-aħħar nett, il-Liġi Pollakka dwar id-Dritt Bankarju timponi fuq il-banek l-implimentazzjoni ta’ sistemi ta’ ġestjoni u ta’ kontroll intern li jippermettu r-rapporti dwar ksur tad-dritt u jiżguraw il-protezzjoni tal-persuni li jirrapportaw dan il-ksur.
49 Issa, l-iffissar awtomatiku ta’ koeffiċjent ta’ gravità ma jippermettix li jittieħdu inkunsiderazzjoni dawn l-elementi tal-leġiżlazzjoni nazzjonali u lanqas il-konsegwenzi konkreti tan-nuqqas tat-twettiq ta’ obbligu kkonstatat fuq l-interessi privati u pubbliċi.
50 Barra minn hekk, ir-Repubblika tal-Polonja tirrileva li hija kkooperat mal-Kummissjoni matul il-proċedura prekontenzjuża kollha, b’tali mod li dan il-fatt għandu jwassal, fil-fehma tagħha, għal tnaqqis tal-koeffiċjent ta’ gravità.
51 Min-naħa l-oħra, l-inklużjoni ta’ kriterju demografiku fil-kuntest tal-metodu ta’ kalkolu tal-fattur “n” ikollha bħala konsegwenza li s-sanzjoni pekunjarja ma tirriflettix il-kapaċità finanzjarja reali tal-Istat Membru kkonċernat, li tmur kontra l-ġurisprudenza tal-Qorti tal-Ġustizzja. Fil-każ partikolari tagħha, ir-Repubblika tal-Polonja tenfasizza li l-applikazzjoni ta’ tali kriterju demografiku twassal għal aggravazzjoni mhux iġġustifikata tal-fattur “n”.
52 Fi kwalunkwe każ, ir-Repubblika tal-Polonja tqis li l-ammonti tas-sanzjonijiet pekunjarji mitluba mill-Kummissjoni għandhom jiġu riveduti minħabba tnaqqis qawwi fir-rata ta’ tkabbir ekonomiku kif ukoll minħabba inflazzjoni għolja matul is-sena 2023 f’dan l-Istat Membru.
53 Fir-replika tagħha, il-Kummissjoni ssostni, fir-rigward tal-fattur ta’ gravità, l-ewwel nett, li, jekk il-Qorti tal-Ġustizzja tiddeċiedi li tieħu inkunsiderazzjoni l-importanza tad-dispożizzjonijiet tad-dritt tal-Unjoni, kif issostni essenzjalment ir-Repubblika tal-Polonja, il-konsegwenza ta’ dan tkun li dan il-fattur ikollu jiżdied peress li d-Direttiva 2019/1937 hija ta’ importanza partikolari kemm għall-interess ġenerali kif ukoll għall-interessi partikolari. Sussegwentement, id-dispożizzjonijiet nazzjonali invokati minn dan l-Istat Membru huma irrilevanti fil-kuntest tad-determinazzjoni tal-imsemmi fattur ta’ gravità peress li dawn ma ġewx innotifikati lilha bħala miżuri ta’ traspożizzjoni ta’ din id-direttiva. Fl-aħħar nett, il-kooperazzjoni leali invokata mill-imsemmi Stat Membru ma għandha ebda rwol fil-każ ta’ nuqqas totali ta’ komunikazzjoni tal-miżuri ta’ traspożizzjoni ta’ direttiva u, fi kwalunkwe każ, il-kooperazzjoni in bona fide mal-Kummissjoni ma tistax tikkostitwixxi ċirkustanza attenwanti peress li din hija obbligu taħt l-Artikolu 4(3) TUE.
54 Fil-kontroreplika tagħha, ir-Repubblika tal-Polonja ssostni li l-Kummissjoni ma tistax tinjora, fil-kuntest tal-iffissar tal-koeffiċjent ta’ gravità, il-leġiżlazzjoni nazzjonali applikabbli għas-sempliċi raġuni li din ma ġietx innotifikata lilha. Barra minn hekk, l-abbozz ta’ liġi dwar il-protezzjoni ta’ persuni li jirrapportaw ksur tad-dritt tal-Unjoni laħaq l-istadji suċċessivi tal-proċess leġiżlattiv.
Il‑kunsiderazzjonijiet tal‑Qorti tal‑Ġustizzja
Fuq l‑applikazzjoni tal‑Artikolu 260(3) TFUE
55 L-ewwel subparagrafu tal-Artikolu 260(3) TFUE jipprevedi li meta l-Kummissjoni tippreżenta rikors quddiem il-Qorti tal-Ġustizzja skont l-Artikolu 258 TFUE peress li tkun tqis li l-Istat Membru kkonċernat naqas mill-obbligu tiegħu li jikkomunika miżuri ta’ traspożizzjoni ta’ direttiva adottata konformement ma’ proċedura leġiżlattiva, hija tista’, meta jidhrilha li jkun xieraq, tindika l-ammont ta’ pagament ta’ somma f’daqqa jew ta’ pagament ta’ penalità li għandu jitħallas minn dan l-Istat Membru, li hija tkun tqis xieraq għaċ-ċirkustanzi. Konformement mat-tieni subparagrafu ta’ dan l-Artikolu 260(3) TFUE, jekk il-Qorti tal-Ġustizzja tikkonstata n-nuqqas ta’ twettiq ta’ obbligu, hija tkun tista’ timponi fuq l-Istat Membru kkonċernat il-ħlas ta’ somma f’daqqa jew pagament ta’ penalità li ma jkunx jaqbeż l-ammont indikat mill-Kummissjoni u l-obbligu tal-ħlas jidħol fis-seħħ fid-data stabbilita mill-Qorti tal-Ġustizzja fis-sentenza tagħha.
56 Peress li, kif jirriżulta mill-punt 38 ta’ din is-sentenza, huwa stabbilit li, fl-iskadenza tat-terminu stabbilit fl-opinjoni motivata tal‑15 ta’ Lulju 2022, ir-Repubblika tal-Polonja la kienet adottat u lanqas, għaldaqstant, ikkomunikat lill-Kummissjoni il-liġijiet, regolamenti u dispożizzjonijiet amministrattivi neċessarji għat-traspożizzjoni fid-dritt intern tagħha tad-dispożizzjonijiet tad-Direttiva 2019/1937, in-nuqqas ta’ twettiq ta’ obbligu hekk ikkonstatat jaqa’ fil-kamp ta’ applikazzjoni tal-Artikolu 260(3) TFUE.
57 Barra minn hekk, għandu jitfakkar li l-għan imfittex bl-introduzzjoni tal-mekkaniżmu li jinsab fl-Artikolu 260(3) TFUE ma huwiex biss li l-Istati Membri jiġu mħeġġa jtemmu, fl-iqsar żmien possibbli, nuqqas ta’ twettiq ta’ obbligu li, fl-assenza ta’ tali dispożizzjoni, ikollu t-tendenza li jippersisti, iżda wkoll li jtaffi u jħaffef il-proċedura għall-impożizzjoni ta’ sanzjonijiet pekunjarji li jikkonċernaw in-nuqqas ta’ twettiq tal-obbligu ta’ komunikazzjoni tal-miżuri nazzjonali ta’ traspożizzjoni ta’ direttiva adottata konformement mal-proċedura leġiżlattiva (sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 68 u l-ġurisprudenza ċċitata).
58 Sabiex jintlaħaq dan l-għan, l-Artikolu 260(3) TFUE jipprevedi l-impożizzjoni ta’ żewġ tipi ta’ sanzjonijiet pekunjarji, jiġifieri somma f’daqqa u pagamenti ta’ penalità ta’ kuljum.
59 Għalkemm l-impożizzjoni ta’ pagamenti ta’ penalità ta’ kuljum tkun tidher partikolarment xierqa sabiex Stat Membru jiġi mħeġġeġ itemm, fl-iqsar żmien possibbli, in-nuqqas ta’ twettiq ta’ obbligu, il-kundanna għall-ħlas ta’ somma f’daqqa tiddependi iktar fuq l-evalwazzjoni tal-konsegwenzi tan-nuqqas ta’ eżekuzzjoni tal-obbligi tal-Istat Membru kkonċernat fuq l-interessi privati u pubbliċi, b’mod partikolari meta n-nuqqas ta’ twettiq ta’ obbligu jkun ippersista għal perijodu twil (sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 70 u l-ġurisprudenza ċċitata).
60 F’dan ir-rigward, il-Kummissjoni timmotiva n-natura u l-ammont tas-sanzjonijiet pekunjarji mitluba, billi tieħu inkunsiderazzjoni l-linji gwida li hija adottat, bħal dawk li jinsabu fil-komunikazzjonijiet tagħha, li, filwaqt li ma jorbtux lill-Qorti tal-Ġustizzja, jikkontribwixxu sabiex jiżguraw it-trasparenza, il-prevedibbiltà u ċ-ċertezza legali tal-azzjoni meħuda mill-Kummissjoni. (ara, f’dan is-sens, is-sentenza tat‑13 ta’ Jannar 2021, Il‑Kummissjoni vs Is‑Slovenja (MiFID II) (C‑628/18, EU:C:2021:1, punt 50).
61 F’dan il-każ, il-Kummissjoni bbażat ruħha fuq il-Komunikazzjoni tal‑2023 sabiex tiġġustifika l-kundanna tar-Repubblika tal-Polonja għall-ħlas ta’ pagamenti ta’ penalità ta’ kuljum u ta’ somma f’daqqa, kif ukoll sabiex tistabbilixxi l-ammonti.
Fuq l‑opportunità li jiġu imposti s-sanzjonijiet pekunjarji kif proposti mill‑Kummissjoni
62 Hija ġurisprudenza stabbilita li, sabiex tevalwa l-opportunità li timponi sanzjoni pekunjarja, hija l-Qorti tal-Ġustizzja li għandha, f’kull kawża u skont iċ-ċirkustanzi tal-każ li tkun adita bih kif ukoll tal-livell ta’ persważjoni u ta’ dissważjoni li jidhrilha meħtieġ, li tiddeċiedi dwar s-sanzjonijiet pekunjarji xierqa, b’mod partikolari, għall-prevenzjoni tar-repetizzjoni ta’ ksur analogu tad-dritt tal-Unjoni (sentenzi tat‑13 ta’ Jannar 2021, Il‑Kummissjoni vs Is‑Slovenja (MiFID II), C‑628/18, EU:C:2021:1, punt 71, u tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 72).
63 L-ewwel nett, fir-rigward tal-impożizzjoni ta’ somma f’daqqa, għandu jiġi kkunsidrat li, minkejja l-fatt li r-Repubblika tal-Polonja kkooperat mas-servizzi tal-Kummissjoni matul il-proċedura prekontenzjuża u li hija żammet lil dawn tal-aħħar informati bid-diffikultajiet li dan l-Istat Membru ltaqa’ magħhom meta pprova jiżgura t-traspożizzjoni fid-dritt nazzjonali tad-Direttiva 2019/1937, l-elementi legali u fattwali kollha relatati man-nuqqas ta’ twettiq ta’ obbligu kkonstatat, jiġifieri l-assenza totali ta’ komunikazzjoni tal-liġijiet, tar-regolamenti u tad-dispożizzjonijiet amministrattivi neċessarji għat-traspożizzjoni ta’ din id-direttiva fl-iskadenza tat-terminu stabbilit fl-opinjoni motivata tal‑15 ta’ Lulju 2022 u anki fid-data tal-eżami tal-fatti mill-Qorti tal-Ġustizzja, jikkostitwixxu indikatur tal-fatt li l-prevenzjoni effettiva tar-repetizzjoni futura ta’ ksur analogu tad-dritt tal-Unjoni hija ta’ natura li tirrikjedi l-adozzjoni ta’ miżuri dissważivi bħall-impożizzjoni ta’ somma f’daqqa (ara, b’analoġija, is-sentenzi tal‑25 ta’ Frar 2021, Il‑Kummissjoni vs Spanja (Direttiva data personali – qasam kriminali), C‑658/19, EU:C:2021:138, punt 70, u tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 73).
64 It-tieni nett, fir-rigward tal-impożizzjoni ta’ pagamenti ta’ penalità, tali sanzjoni hija imposta bħala prinċipju biss sakemm jippersisti n-nuqqas ta’ twettiq ta’ obbligu li dawn il-pagamenti ta’ penalità huma intiżi li jissanzjonaw sal-eżami tal-fatti mill-Qorti tal-Ġustizzja, li għandu jitqies li seħħ fid-data tal-għeluq tal-proċedura (sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 89). Għandu jiġi ppreċiżat li, f’każ fejn, bħal f’dan il-każ, ma tkun inżammet l-ebda seduta, id-data li għandha tittieħed inkunsiderazzjoni f’dan ir-rigward hija dik tal-għeluq tal-fażi bil-miktub.
65 F’dan il-każ, ma huwiex ikkontestat li, fid-data tal-għeluq tal-fażi bil-miktub tal-proċedura quddiem il-Qorti tal-Ġustizzja, jiġifieri fid‑9 ta’ Awwissu 2023, ir-Repubblika tal-Polonja la kienet adottat u lanqas, għaldaqstant, ikkomunikat il-liġijiet, ir-regolamenti u d-dispożizzjonijiet amministrattivi neċessarji għat-traspożizzjoni tad-Direttiva 2019/1937 fid-dritt intern tagħha. Konsegwentement, għandu jiġi kkonstatat li dan l-Istat Membru ppersista fin-nuqqas ta’ twettiq ta’ obbligu tiegħu sal-eżami tal-fatti mill-Qorti tal-Ġustizzja.
66 Għaldaqstant, il-Qorti tal-Ġustizzja tikkunsidra li l-kundanna tar-Repubblika tal-Polonja għall-ħlas ta’ pagamenti ta’ penalità ta’ kuljum, mitluba mill-Kummissjoni, tikkostitwixxi mezz finanzjarju xieraq sabiex jiġi żgurat li dan l-Istat Membru jtemm, fl-iqsar żmien possibbli, in-nuqqas ta’ twettiq ta’ obbligu kkonstatat u josserva l-obbligi tiegħu taħt id-Direttiva 2019/1937. Min-naħa l-oħra, peress li ma jistax jiġi eskluż li, fil-jum tal-għoti tas-sentenza f’din il-kawża, it-traspożizzjoni ta’ din id-direttiva tkun kompletament mlestija, dawn il-pagamenti ta’ penalità għandhom jiġu imposti biss sa fejn in-nuqqas ta’ twettiq ta’ obbligu jkun għadu jippersisti fid-data tal-għoti ta’ din is-sentenza (ara, b’analoġija, is-sentenzi tal‑25 ta’ Frar 2021, Il‑Kummissjoni vs Spanja (Direttiva data personali – qasam kriminali), C‑658/19, EU:C:2021:138, punt 61, u tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 91).
Fuq l‑ammont tas‑sanzjonijiet pekunjarji
– Fuq il‑metodu tal‑iffissar tal‑ammont tas‑sanzjonijiet pekunjarji
67 B’applikazzjoni tal-Artikolu 260(3) TFUE, il-Qorti tal-Ġustizzja biss hija kompetenti sabiex timponi sanzjoni pekunjarja fuq Stat Membru. Madankollu, fil-kuntest ta’ proċedura mibdija abbażi ta’ din id-dispożizzjoni, il-Qorti tal-Ġustizzja għandha biss setgħa diskrezzjonali limitata, peress li, fil-każ ta’ konstatazzjoni ta’ nuqqas ta’ twettiq ta’ obbligu minn din tal-aħħar, il-proposti tal-Kummissjoni jorbtu lill-Qorti tal-Ġustizzja fir-rigward tan-natura tas-sanzjoni pekunjarja li hija tista’ timponi u fir-rigward tal-ammont massimu tas-sanzjoni li hija tista’ tagħti (sentenza tat‑13 ta’ Jannar 2021, Il‑Kummissjoni vs Is‑Slovenja (MiFID II), C‑628/18, EU:C:2021:1, punti 49 u 51).
68 Fl-eżerċizzju tas-setgħa diskrezzjonali tagħha f’dan il-qasam, kif inkwadrat mill-proposti tal-Kummissjoni, hija l-Qorti tal-Ġustizzja, kif tfakkar fil-punt 62 ta’ din is-sentenza, li għandha tistabbilixxi l-ammont tas-sanzjonijiet pekunjarji imposti fuq Stat Membru skont l-Artikolu 260(3) TFUE b’tali mod li dan l-ammont ikun, minn naħa, adattat għaċ-ċirkustanzi u, min-naħa l-oħra, proporzjonat għall-ksur imwettaq. Fost il-fatturi rilevanti f’dan ir-rigward hemm, b’mod partikolari, elementi bħall-gravità tan-nuqqas ta’ twettiq ta’ obbligu kkonstatat, il-perijodu li matulu dan in-nuqqas ikun ippersista kif ukoll il-kapaċità ta’ ħlas tal-Istat Membru inkwistjoni (sentenzi tat‑13 ta’ Jannar 2021, Il‑Kummissjoni vs Is‑Slovenja (MiFID II), C‑628/18, EU:C:2021:1, punt 74, u tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punti 74 u 93).
69 Bl-istess mod, għandu jiġi imfakkar ukoll li, fil-kuntest ta’ setgħa diskrezzjonali, il-linji gwida bħal dawk inklużi fil-komunikazzjonijiet tal-Kummissjoni, li jistabbilixxu regoli indikattivi ta’ varjabbli matematiċi, ma jorbtux lill-Qorti tal-Ġustizzja, iżda jikkontribwixxu sabiex tiġi ggarantita t-trasparenza, il-prevedibbiltà u ċ-ċertezza legali tal-azzjoni meħuda mill-Kummissjoni nnifisha meta dik l-istituzzjoni tagħmel proposti lill-Qorti tal-Ġustizzja (ara, f’dan is-sens, sentenzi tal‑11 ta’ Diċembru 2012, Il‑Kummissjoni vs Spanja, C‑610/10, EU:C:2012:781, punt 116, kif ukoll tal‑20 ta’ Jannar 2022, Il‑Kummissjoni vs Il‑Greċja (Irkupru ta’ għajnuna mill-Istat – Ferronikil), C‑51/20, EU:C:2022:36, punti 95 u 110).
70 L-ewwel nett, fir-rigward tal-gravità tan-nuqqas ta’ twettiq ta’ obbligu kkonstatat, mill-punt 3.2 tal-Komunikazzjoni tal‑2023 jirriżulta li, skont il-Kummissjoni, l-assenza ta’ komunikazzjoni tal-miżuri ta’ traspożizzjoni ta’ direttiva adottata fil-kuntest ta’ proċedura leġiżlattiva huwa dejjem ikkunsidrat bħala gravi. Għaldaqstant, dan in-nuqqas ta’ twettiq ta’ obbligu jiġġustifika l-applikazzjoni awtomatika ta’ koeffiċjent ta’ gravità ta’ 10.
71 Ir-Repubblika tal-Polonja tikkontesta l-livell ta’ dan il-koeffiċjent u l-awtomatiċità tal-applikazzjoni tiegħu fiċ-ċirkustanzi tan-nuqqas ta’ twettiq ta’ obbligu kkonstatat.
72 F’dan ir-rigward, għandu jitfakkar li l-obbligu tal-adozzjoni tal-miżuri li jiżguraw t-traspożizzjoni kompleta ta’ direttiva u tal-obbligu ta’ komunikazzjoni ta’ dawn id-dispożizzjonijiet lill-Kummissjoni jikkostitwixxu obbligi essenzjali ta’ Stati Membri sabiex tiġi żgurata l-effettività sħiħa tad-dritt tal-Unjoni, u li n-nuqqas ta’ twettiq ta’ dawn l-obbligi għandu, għaldaqstant, jitqies bħala ta’ gravità ċerta (ara, f’dan is-sens, sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 75 u l-ġurisprudenza ċċitata).
73 F’dan il-każ, għandu jiġi enfasizzat li d-Direttiva 2019/1937 hija strument kruċjali tad-dritt tal-Unjoni sa fejn hija tistabbilixxi, skont l-Artikolu 1 tagħha, moqri flimkien mal-premessa 1 tagħha, regoli minimi komuni li jiżguraw livell għoli ta’ protezzjoni bbilanċjata u effettiva tal-persuni li jirrapportaw ksur ta’ dan id-dritt f’oqsma li fihom tali ksur jista’ jippreġudika b’mod partikolari l-interess ġenerali. Fil-fatt, billi tistabbilixxi sistema ta’ protezzjoni tal-persuni li jirrapportaw ksur tad-dritt tal-Unjoni f’kuntest professjonali, din id-direttiva tikkontribwixxi għall-prevenzjoni ta’ preġudizzju għall-interess pubbliku, f’oqsma partikolarment sensittivi, bħal dawk tal-kuntratti pubbliċi, tal-prevenzjoni tal-ħasil tal-flus u tal-finanzjament tat-terroriżmu, tal-protezzjoni tal-ambjent jew tal-interessi finanzjarji tal-Unjoni. Għalhekk, id-dispożizzjonijiet tal-imsemmija direttiva jipprevedu l-obbligu, kemm għall-entitajiet tas-settur pubbliku kif ukoll għal dawk tas-settur privat, li jistabbilixxu kanali ta’ rapportar interni, proċeduri ta’ riċeviment u ta’ segwitu tar-rapporti, filwaqt li jiggarantixxu d-drittijiet tal-persuni li jirrapportaw ksur tad-dritt tal-Unjoni kif ukoll il-kundizzjonijiet li fihom dawn jistgħu jibbenefikaw mill-protezzjoni hekk prevista.
74 Issa, l-assenza ta’ traspożizzjoni tad-dispożizzjonijiet tad-Direttiva 2019/1937 neċessarjament tippreġudika l-osservanza tad-dritt tal-Unjoni u l-applikazzjoni uniformi u effettiva tiegħu, peress li ksur ta’ dan id-dritt jista’ ma jkunx is-suġġett ta’ senjalazzjoni jekk il-persuni li jkunu jafu b’tali ksur ma jibbenefikawx minn protezzjoni kontra eventwali ritaljazzjoni.
75 Madankollu, l-ammont tas-sanzjonijiet pekunjarji imposti fuq Stat Membru skont l-Artikolu 260(3) TFUE għandu jiġi adattat għaċ-ċirkustanzi u proporzjonat mal-ksur imwettaq, kif tfakkar fil-punt 68 ta’ din is-sentenza.
76 Għalhekk, l-applikazzjoni awtomatika tal-istess koeffiċjent ta’ gravità fil-każijiet kollha ta’ assenza ta’ traspożizzjoni kompleta ta’ direttiva u, għaldaqstant, ta’ assenza ta’ komunikazzjoni tal-miżuri ta’ traspożizzjoni ta’ din id-direttiva neċessarjament tostakola l-adattament tal-ammont tas-sanzjonijiet pekunjarji għaċ-ċirkustanzi li jikkaratterizzaw il-ksur u l-impożizzjoni ta’ sanzjonijiet proporzjonati.
77 B’mod partikolari, kif irrileva l-Avukat Ġenerali fil-punti 84 sa 89 tal-konklużjonijiet tiegħu, billi tippreżumi li l-ksur tal-obbligu ta’ komunikazzjoni tal-miżuri ta’ traspożizzjoni ta’ direttiva għandu jitqies li għandu l-istess gravità tkun liema tkun id-direttiva kkonċernata, il-Kummissjoni ma hijiex f’pożizzjoni li tadatta s-sanzjonijiet pekunjarji skont il-konsegwenzi tan-nuqqas ta’ eżekuzzjoni ta’ dan l-obbligu fuq l-interessi privati u pubbliċi, kif jipprovdi l-punt 3.2.2 tal-Komunikazzjoni tal‑2023.
78 F’dan ir-rigward, il-Kummissjoni ma tistax tinvoka l-prinċipju ta’ ugwaljanza tal-Istati Membri quddiem it-Trattati, kif stabbilit fl-Artikolu 4(2) TUE, sabiex tiġġustifika applikazzjoni awtomatika ta’ koeffiċjent ta’ gravità uniku fil-każ ta’ assenza ta’ traspożizzjoni kompleta ta’ direttiva u, għaldaqstant, ta’ assenza ta’ komunikazzjoni tal-miżuri neċessarji għat-traspożizzjoni tagħha. Fil-fatt, huwa ċar li l-konsegwenzi tan-nuqqas ta’ eżekuzzjoni tal-obbligi imposti fuq l-Istati Membri fuq l-interessi privati u pubbliċi inkwistjoni jistgħu jvarjaw, mhux biss, minn Stat Membru għal ieħor, iżda wkoll skont il-kontenut normattiv tad-direttiva mhux trasposta. Issa, skont ġurisprudenza stabbilita tal-Qorti tal-Ġustizzja, dan il-prinċipju jeżiġi b’mod partikolari li sitwazzjonijiet differenti ma jiġux ittrattati b’mod ugwali, sakemm tali trattament ma jkunx oġġettivament iġġustifikat (sentenza tad‑19 ta’ Diċembru 2018, Il‑Kummissjoni vs L‑Awstrija, C‑51/18, EU:C:2018:1035, punt 55 u l-ġurisprudenza ċċitata).
79 Konsegwentement, il-Kummissjoni ma tistax tinħeles mill-obbligu tagħha li tevalwa, f’kull Stat Membru u għal kull każ speċifiku, il-konsegwenzi tal-ksur ikkonstatat fuq l-interessi privati u pubbliċi billi tillimita ruħha għall-applikazzjoni awtomatika ta’ koeffiċjent ta’ gravità fil-kuntest tal-iffissar tas-sanzjonijiet pekunjarji, u dan billi tieħu inkunsiderazzjoni eventwali ċirkustanzi attenwanti jew aggravanti. B’mod partikolari, f’dan il-każ, in-nuqqas ta’ twettiq tal-obbligu li jiġu adottati l-liġijiet, ir-regolamenti u d-dispożizzjonijiet amministrattivi neċessarji għat-traspożizzjoni tad-Direttiva 2019/1937 huwa partikolarment serju peress li, kif ġie enfasizzat fil-punt 73 ta’ din is-sentenza, id-dispożizzjonijiet ta’ din id-direttiva, sa fejn huma intiżi li jipproteġu l-persuni li jirrapportaw il-ksur tad-dritt tal-Unjoni fl-oqsma koperti minnha, jikkontribwixxu sabiex jiżguraw l-applikazzjoni uniformi u effettiva ta’ dan id-dritt.
80 It-tieni nett, fil-kuntest tal-evalwazzjoni tat-tul tal-ksur, għandu jitfakkar li, fir-rigward tal-bidu tal-perijodu li għandu jittieħed inkunsiderazzjoni sabiex jiġi stabbilit l-ammont tas-somma f’daqqa, id-data li għandha tittieħed inkunsiderazzjoni għall-evalwazzjoni tat-tul tan-nuqqas ta’ twettiq ta’ obbligu inkwistjoni ma hijiex dik tal-iskadenza tat-terminu stabbilit fl-opinjoni motivata tal-Kummissjoni, iżda d-data li fiha jiskadi t-terminu għat-traspożizzjoni previst mid-direttiva inkwistjoni (sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 81 u l-ġurisprudenza ċċitata).
81 It-tielet nett, fir-rigward tal-kapaċità ta’ ħlas tal-Istat Membru inkwistjoni, mill-ġurisprudenza jirriżulta li, bla ħsara għall-possibbiltà għall-Kummissjoni li tipproponi sanzjonijiet finanzjarji bbażati fuq diversi kriterji, sabiex tippermetti, b’mod partikolari, li tinżamm differenza raġonevoli bejn id-diversi Stati Membri, għandu jittieħed inkunsiderazzjoni l-PDG ta’ dan l-Istat bħala fattur predominanti għall-finijiet tal-evalwazzjoni tal-kapaċità ta’ ħlas tiegħu u tal-iffissar ta’ sanzjonijiet suffiċjentement dissważivi u proporzjonati, sabiex tiġi evitata b’mod effettiv ir-repetizzjoni futura ta’ ksur analogu tad-dritt tal-Unjoni (sentenzi tal‑20 ta’ Jannar 2022, Il‑Kummissjoni vs Il‑Greċja (Irkupru ta’ għajnuna mill-Istat – Ferronikil), C‑51/20, EU:C:2022:36, punti 111, 116 u 130, kif ukoll tat‑28 ta’ Settembru 2023, Il‑Kummissjoni vs Ir‑Renju Unit (Immarkar fiskali tan-nafta), C‑692/20, EU:C:2023:707, punt 115).
82 F’ dan ir-rigward, il-Qorti tal-Ġustizzja iddeċidiet b’mod ripetut li għandha tittieħed inkunsiderazzjoni l-evoluzzjoni reċenti tal-PGD ta’ Stat Membru kif tkun fid-data tal-eżami tal-fatti mill-Qorti tal-Ġustizzja (sentenza tal‑20 ta’ Jannar 2022, Il‑Kummissjoni vs Il‑Greċja (Irkupru ta’ għajnuna mill-Istat – Ferronikil), C‑51/20, EU:C:2022:36, punt 107 u l-ġurisprudenza ċċitata).
83 F’dan il-każ, il-fattur “n”, li jirrappreżenta l-kapaċità ta’ ħlas tal-Istat Membru kkonċernat meta mqabbel mal-kapaċità ta’ ħlas tal-Istati Membri l-oħra, applikat mill-Kummissjoni skont il-punti 3.4. u 4.2. tal-Komunikazzjoni tal‑2023, huwa ddefinit bħala medja ġeometrika ponderata tal-PDG tal-Istat Membru kkonċernat meta mqabbel mal-medja tal-PDG tal-Istati Membri, li tgħodd għal żewġ terzi tal-kalkolu tal-fattur “n”, u tal-popolazzjoni tal-Istat Membru kkonċernat meta mqabbla mal-medja tal-popolazzjoni tal-Istati Membri, li tgħodd għal terz tal-kalkolu tal-fattur “n”, kif jirriżulta mill-ekwazzjoni msemmija fil-punt 10 ta’ din is-sentenza. Il-Kummissjoni tiġġustifika dan il-metodu ta’ kalkolu tal-fattur “n” kemm bl-għan li tinżamm differenza raġonevoli tal-fatturi “n” tal-Istati Membri, meta mqabbla ma’ kalkolu bbażat biss fuq il-PDG tal-Istati Membri kif ukoll l-għan li tiġi żgurata ċerta stabbiltà fil-kalkolu tal-fattur “n”, peress li huwa improbabbli li l-popolazzjoni tvarja b’mod sinjifikattiv fuq bażi annwali.
84 Fl-ewwel lok, għalkemm huwa minnu li l-metodu ta’ kalkolu tal-fattur “n” li jirriżulta mill-Komunikazzjoni tal‑2023 jieħu inkunsiderazzjoni prinċipalment il-PGD tal-Istat Membru kkonċernat, għandu madankollu jiġi kkonstatat li dan il-metodu huwa bbażat fuq il-preżunzjoni li teżisti korrelazzjoni bejn id-daqs tal-popolazzjoni ta’ Stat Membru u l-kapaċità ta’ ħlas tagħha, li ma huwiex neċessarjament il-każ. Għaldaqstant, it-teħid inkunsiderazzjoni ta’ kriterju demografiku kif jirriżulta mill-imsemmi metodu jwassal għal separazzjoni tal-fattur “n” mill-kapaċità reali ta’ ħlas tal-Istat Membru kkonċernat, li jista’ jwassal għall-iffissar ta’ fattur “n” li ma jikkorrispondix neċessarjament għal din il-kapaċità, kif irrileva l-Avukat Ġenerali fil-punti 119 sa 121 tal-konklużjonijiet tiegħu.
85 Fit-tieni lok, għalkemm it-teħid inkunsiderazzjoni ta’ kriterju demografiku għall-iffissar tal-fattur “n”, għad-determinazzjoni tal-kapaċità ta’ ħlas tal-Istat Membru kkonċernat, jippermetti li tinżamm differenza bejn il-fatturi “n” tal-Istati Membri, dan l-għan ma jistax jiġġustifika li l-kapaċità ta’ ħlas ta’ dan l-Istat Membru tiġi ddeterminata skont kriterji li ma jirriflettux din il-kapaċità.
86 Għaldaqstant, id-determinazzjoni tal-kapaċità ta’ ħlas tal-Istat Membru kkonċernat ma tistax tinkludi fil-metodu ta’ kalkolu tal-fattur “n” it-teħid inkunsiderazzjoni ta’ kriterju demografiku skont il-modalitajiet previsti fil-punti 3.4 u 4.2 tal-Komunikazzjoni tal‑2023.
– Fuq is‑somma f’daqqa
87 Konformement mal-ġurisprudenza mfakkra fil-punt 68 ta’ din is-sentenza, għall-finijiet tal-kalkolu tas-somma f’daqqa li għall-ħlas tagħha Stat Membru jista’ jiġi kkundannat skont l-Artikolu 260(3) TFUE, hija l-Qorti tal-Ġustizzja, fl-eżerċizzju tas-setgħa diskrezzjonali tagħha, li għandha tistabbilixxi l-ammont b’tali mod li jkun, minn naħa, adattat għaċ-ċirkustanzi u, min-naħa l-oħra, proporzjonat mal-ksur imwettaq. Fost il-fatturi rilevanti f’dan ir-rigward jinsabu b’mod partikolari elementi bħall-gravità tan-nuqqas ta’ twettiq ta’ obbligu kkonstatat, il-perijodu li matulu dan tal-aħħar ippersista kif ukoll il-kapaċità ta’ ħlas tal-Istat Membru inkwistjoni (sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 74 u l-ġurisprudenza ċċitata).
88 F’dak li jirrigwarda, l-ewwel nett, il-gravità tal-ksur imwettaq, din ma tistax tiġi stabbilita bl-applikazzjoni awtomatika ta’ koeffiċjent ta’ gravità, hekk kif ġie ppreċiżat fil-punt 79 ta’ din is-sentenza.
89 Barra minn hekk, għandu jitfakkar li, għar-raġunijiet imsemmija fil-punti 72 sa 74 ta’ din is-sentenza, in-nuqqas ta’ twettiq tal-obbligu li jiġu adottati l-liġijiet, ir-regolamenti u d-dispożizzjonijiet amministrattivi neċessarji għat-traspożizzjoni kompleta tad-Direttiva 2019/1937 kif ukoll l-obbligu ta’ komunikazzjoni ta’ dawn id-dispożizzjonijiet lill-Kummissjoni għandu jitqies li huwa ta’ gravità partikolarment serja.
90 Il-gravità ta’ dan in-nuqqas ta’ twettiq ta’ obbligu hija, barra minn hekk, imsaħħa mill-fatt li, fi tmiem il-proċedura bil-miktub, ir-Repubblika tal-Polonja kienet għadha ma adottatx il-liġijiet, ir-regolamenti u d-dispożizzjonijiet amministrattivi neċessarji għat-traspożizzjoni tad-Direttiva 2019/1937, kif ikkonċeda dan l-istess Stat Membru fl-osservazzjonijiet bil-miktub tiegħu.
91 Madankollu, ir-Repubblika tal-Polonja sostniet, fir-risposta tagħha, mingħajr ma ġiet kontradetta f’dan ir-rigward mill-Kummissjoni, li ċerti regoli li jipproteġu l-persuni li jirrapportaw ksur tad-dritt, li huma konformi mar-rekwiżiti tad-Direttiva 2019/1937, diġà jeżistu fil-leġiżlazzjoni tagħha.
92 F’dawn iċ-ċirkustanzi, għandu jiġi kkonstatat, kif irrileva, essenzjalment, l-Avukat Ġenerali fil-punt 144 tal-konklużjonijiet tiegħu, li ma ġiex stabbilit li l-konsegwenzi tan-nuqqas ta’ twettiq ta’ obbligu kkonstatat f’dan il-każ fuq l-interessi privati u pubbliċi kienu negattivi daqs il-każ ta’ assenza ta’ traspożizzjoni kompleta tad-Direttiva 2019/1937. Sa fejn il-Kummissjoni ssostni li ma hemmx lok li tittieħed inkunsiderazzjoni din il-leġiżlazzjoni nazzjonali fil-kuntest tal-evalwazzjoni tal-fattur ta’ gravità peress li din ma ġietx innotifikata lilha, huwa biżżejjed li jiġi kkonstatat li dan l-argument huwa irrilevanti peress li l-assenza ta’ notifika ma jbiddel xejn mill-fatt li l-eżistenza tal-imsemmija leġiżlazzjoni għandha impatt fuq dawn l-interessi.
93 Xorta jibqa’ l-fatt li r-Repubblika tal-Polonja stess irrikonoxxiet, fir-risposta tagħha, li r-regoli li jipproteġu l-persuni li jirrapportaw ksur tad-dritt huma mifruxa fl-ordinament ġuridiku Pollakk u ma jinkludux, kuntrarjament għal dak li jeżiġi l-Artikolu 26(3) tad-Direttiva 2019/1937, riferiment espliċitu għall-protezzjoni ta’ dawn il-persuni.
94 Issa, l-assenza ta’ regoli speċifiċi u ċari dwar il-protezzjoni tal-persuni li jirrapportaw il-ksur tad-dritt tal-Unjoni, kif previst mid-Direttiva 2019/1937, tipprekludi protezzjoni effettiva ta’ dawn il-persuni u għalhekk tista’ tqiegħed inkwistjoni l-applikazzjoni uniformi u effettiva ta’ dan id-dritt fl-oqsma koperti minn din id-direttiva.
95 Fil-fatt, kif tfakkar fil-punt 73 ta’ din is-sentenza, billi tistabbilixxi sistema ta’ protezzjoni tal-persuni li jirraportaw ksur tad-dritt tal-Unjoni f’kuntest professjonali, id-Direttiva 2019/1937 tikkontribwixxi għall-prevenzjoni ta’ preġudizzju għall-interess pubbliku, f’oqsma partikolarment sensittivi, bħal dawk tal-kuntratti pubbliċi, tal-prevenzjoni tal-ħasil tal-flus u l-finanzjament tat-terroriżmu, tal-protezzjoni tal-ambjent u tal-interessi finanzjarji tal-Unjoni.
96 Issa, kif indikat fil-punt 74 ta’ din is-sentenza, fl-assenza ta’ protezzjoni effettiva, il-persuni li jkunu jafu bi ksur tad-dritt tal-Unjoni f’dawn l-oqsma jistgħu jiġu dissważi milli jindikawhom peress li, meta jagħmlu dan, huma jistgħu jesponu ruħhom għal ritaljazzjoni.
97 Għaldaqstant, fid-dawl tal-għan stabbilit fl-Artikolu 1 tad-Direttiva 2019/1937, moqri flimkien mal-premessa 1 tagħha, din id-direttiva hija intiża, kif tfakkar fil-punt 73 ta’ din is-sentenza, li tistabbilixxi regoli minimi komuni li jiżguraw livell għoli ta’ protezzjoni bbilanċjata u effettiva tal-persuni li jirrapportaw dwar ksur tad-dritt tal-Unjoni, b’tali mod li l-assenza ta’ adozzjoni tal-liġijiet, tar-regolamenti u tad-dispożizzjonijiet amministrattivi neċessarji għat-traspożizzjoni kompleta u preċiża ta’ din id-direttiva hija ta’ gravità partikolarment serja.
98 Barra minn hekk, fir-rigward tal-fatt li r-Repubblika tal-Polonja ssostni li hija kkoperat mal-Kummissjoni matul il-proċedura prekontenzjuża, għandu jitfakkar li l-obbligu ta’ kooperazzjoni leali mal-Kummissjoni jaqa’ fi kwalunkwe każ fuq l-Istati Membri skont l-Artikolu 4(3) TUE, li jimplika li kull Stat Membru huwa obbligat jiffaċilita għal din l-istituzzjoni t-twettiq tal-missjoni tagħha li, skont l-Artikolu 17 TUE, hija li tiżgura, bħala gwardjan tat-Trattati, l-applikazzjoni tad-dritt tal-Unjoni taħt l-istħarriġ tal-Qorti tal-Ġustizzja. Għaldaqstant, hija biss kooperazzjoni mal-Kummissjoni kkaratterizzata minn passi li juru l-intenzjoni ta’ konformità fl-iqsar żmien possibbli mal-obbligi li jirriżultaw mid-direttiva li tista’ ttieħed inkunsiderazzjoni bħala ċirkustanza attenwanti fil-kuntest tal-evalwazzjoni tal-gravità tal-ksur (ara, f’dan is-sens, is-sentenza tat‑28 ta’ Settembru 2023, Il‑Kummissjoni vs Ir‑Renju Unit (Immarkar fiskali tan-nafta), C‑692/20, EU:C:2023:707, punti 106 u 107 kif ukoll il-ġurisprudenza ċċitata).
99 Issa, f’dan il-każ, kif jirriżulta mill-punt 17 ta’ din is-sentenza, ir-Repubblika tal-Polonja kienet ħabbret fl-ittra tagħha tal‑15 ta’ Settembru 2022 li l-liġijiet, ir-regolamenti u d-dispożizzjonijiet amministrattivi neċessarji sabiex tikkonforma ruħha mad-Direttiva 2019/1937 kienu ser jiġu ppubblikati fil-Ġurnal Uffiċjali Pollakk matul ix-xahar ta’ Jannar 2023, jew anke matul ix-xahar ta’ Awwissu 2023, kif imħabbar permezz ta’ posta elettronika tal‑11 ta’ Jannar 2023, li ma kienx il-każ. F’dawn iċ-ċirkustanzi, il-kooperazzjoni tar-Repubblika tal-Polonja mal-Kummissjoni matul il-proċedura prekontenzjuża ma tistax tittieħed inkunsiderazzjoni bħala ċirkustanza attenwanti.
100 Sussegwentement, fir-rigward tat-tul tal-ksur, huwa paċifiku li r-Repubblika tal-Polonja ma kinitx, fl-iskadenza tat-terminu għat-traspożizzjoni previst fl-Artikolu 26(1) tad-Direttiva 2019/1937, jiġifieri fis‑17 ta’ Diċembru 2021, adottat il-liġijiet, ir-regolamenti jew id-dispożizzjonijiet amministrattivi neċessarji sabiex tiżgura t-traspożizzjoni ta’ din id-direttiva u, għaldaqstant, lanqas ma kienet ikkomunikat dawn id-dispożizzjonijiet lill-Kummissjoni.
101 Peress li l-proċedura bil-miktub quddiem il-Qorti tal-Ġustizzja ngħalqet fid‑9 ta’ Awwissu 2023, in-nuqqas ta’ twettiq ta’ obbligu inkwistjoni dam għaddej sena u tmien xhur fid-data ta’ dan l-għeluq.
102 Fl-aħħar nett, fir-rigward tad-determinazzjoni tal-kapaċità ta’ ħlas tar-Repubblika tal-Polonja, ma hemmx lok, kif ġie ppreċiżat fil-punti 84 sa 86 ta’ din is-sentenza, li tittieħed inkunsiderazzjoni, fil-metodu ta’ kalkolu tal-fattur “n”, l-importanza tal-popolazzjoni ta’ dan l-Istat Membru, kif għamlet il-Kummissjoni skont il-Komunikazzjoni tal‑2023.
103 Fid-dawl ta’ dawn il-kunsiderazzjonijiet u fid-dawl tas-setgħa diskrezzjonali mogħtija lill-Qorti tal-Ġustizzja fl-Artikolu 260(3) TFUE, li jipprovdi li, fir-rigward tas-somma f’daqqa li l-ħlas tagħha hija timponi, hija ma tistax tistabbilixxi ammont li jeċċedi l-ammont indikat mill-Kummissjoni, hemm lok li jitqies li l-prevenzjoni effettiva tar-repetizzjoni futura ta’ ksur analogu għal dak li jirriżulta mill-ksur tal-Artikolu 26(1) tad-Direttiva 2019/1937 u li jippreġudika l-effettività sħiħa tad-dritt tal-Unjoni tirrikjedi l-impożizzjoni ta’ ħlas ta’ somma f’daqqa li l-ammont tagħha għandu jiġi ffissat għal EUR 7 000 000.
– Fuq il‑pagamenti ta’ penalità ta’ kuljum
104 Fl-eżerċizzju tas-setgħa diskrezzjonali tagħha, hija l-Qorti tal-Ġustizzja li għandha tistabbilixxi l-pagamenti ta’ penalità ta’ kuljum b’tali mod li dawn, minn naħa, ikunu xierqa għaċ-ċirkustanzi u proporzjonati man-nuqqas ta’ twettiq ta’ obbligu kkonstatat kif ukoll mal-kapaċità ta’ ħlas tal-Istat Membru kkonċernat u, min-naħa l-oħra, ma jaqbżux, konformement mat-tieni subparagrafu tal-Artikolu 260(3) TFUE, l-ammont indikat mill-Kummissjoni (sentenza tad‑29 ta’ Frar 2024, Il‑Kummissjoni vs L‑Irlanda (Servizzi ta’ midja awdjoviżiva), C‑679/22, EU:C:2024:178, punt 92 u l-ġurisprudenza ċċitata).
105 Fil-kuntest tal-evalwazzjoni tal-Qorti tal-Ġustizzja sabiex jiġi stabbilit l-ammont tal-pagamenti ta’ penalità, il-kriterji li għandhom jittieħdu inkunsiderazzjoni sabiex tiġi żgurata n-natura koerċittiva tagħhom, għall-finijiet ta’ applikazzjoni uniformi u effettiva tad-dritt tal-Unjoni huma, bħala prinċipju, it-tul tal-ksur, il-grad ta’ gravità tiegħu, u l-kapaċità ta’ ħlas tal-Istat Membru inkwistjoni. Għall-applikazzjoni ta’ dawn il-kriterji, il-Qorti tal-Ġustizzja hija mitluba tieħu inkunsiderazzjoni, b’mod partikolari, il-konsegwenzi tan-nuqqas ta’ twettiq ta’ obbligu fuq l-interessi pubbliċi u privati kif ukoll l-urġenza li teżisti sabiex l-Istat Membru kkonċernat jikkonforma ruħu mal-obbligi tiegħu (sentenza tal‑25 ta’ Frar 2021, Il‑Kummissjoni vs Spanja (Direttiva data personali – qasam kriminali), C‑658/19, EU:C:2021:138, punt 63 u l-ġurisprudenza ċċitata).
106 F’dak li jirrigwarda, qabelxejn, il-gravità tal-ksur inkwistjoni, huwa paċifiku li, fl-iskadenza tat-terminu stabbilit fl-opinjoni motivata tal‑15 ta’ Lulju 2022, ir-Repubblika tal-Polonja kienet naqset milli twettaq l-obbligi tagħha taħt l-Artikolu 26(1) tad-Direttiva 2019/1937, b’tali mod li, fid-dawl ukoll tal-kunsiderazzjonijiet li jinsabu fil-punti 91 sa 97 ta’ din is-sentenza, hemm lok li jitqies li l-effettività sħiħa tad-dritt tal-Unjoni manifestament ma ġietx żgurata.
107 Sussegwentement, fir-rigward tat-tul tal-ksur, li għandu jittieħed inkunsiderazzjoni sabiex jiġi stabbilit l-ammont tal-pagamenti ta’ penalità li għandhom jiġu imposti, għandu jiġi kkonstatat li n-nuqqas ta’ twettiq ta’ obbligu inkwistjoni kompla wara l-iskadenza tat-terminu stabbilit fl-opinjoni motivata tal‑15 ta’ Lulju 2022.
108 Fl-aħħar nett, fir-rigward tad-determinazzjoni tal-kapaċità ta’ ħlas tar-Repubblika tal-Polonja, ma hemmx lok, kif ġie ppreċiżat fil-punti 84 sa 86 ta’ din is-sentenza, li tittieħed inkunsiderazzjoni, fil-metodu ta’ kalkolu tal-fattur “n”, l-importanza tal-popolazzjoni ta’ dan l-Istat Membru, kif għamlet il-Kummissjoni skont il-Komunikazzjoni tal‑2023.
109 Fid-dawl tal-kunsiderazzjonijiet preċedenti u fid-dawl tas-setgħa diskrezzjonali mogħtija lill-Qorti tal-Ġustizzja mill-Artikolu 260(3) TFUE, li jipprovdi li din ma tistax, għal dak li jikkonċerna l-pagamenti ta’ penalità li hija timponi, tiffissa ammont li jeċċedi l-ammont indikat mill-Kummissjoni, fil-każ fejn in-nuqqas ta’ twettiq ta’ obbligu kkonstatat fil-punt 38 ta’ din is-sentenza jippersisti fid-data tal-għoti ta’ din is-sentenza, ir-Repubblika tal-Polonja għandha tiġi kkundannata tħallas lill-Kummissjoni, b’effett minn din id-data u sakemm dan l-Istat Membru jkun temm dan in-nuqqas ta’ twettiq ta’ obbligu, pagament ta’ penalità ta’ kuljum fl-ammont ta’ EUR 40 000.
Fuq l‑ispejjeż
110 Skont l-Artikolu 138(1) tar-Regoli tal-Proċedura tal-Qorti tal-Ġustizzja, il-parti li titlef il-kawża għandha tiġi kkundannata għall-ispejjeż, jekk dawn ikunu ntalbu. Peress li l-Kummissjoni talbet li r-Repubblika tal-Polonja tiġi kkundannata għall-ispejjeż u peress li din tilfet fir-rigward tal-motivi tagħha, hemm lok li hija tiġi kkundannata tbati, minbarra l-ispejjeż tagħha, dawk sostnuti mill-Kummissjoni.
Għal dawn il-motivi, Il‑Qorti tal‑Ġustizzja (L-Ewwel Awla) taqta’ u tiddeċiedi:
1) Billi ma adottatx, sal-iskadenza tat-terminu mogħti fl-opinjoni motivata tal-Kummissjoni Ewropea tal‑15 ta’ Lulju 2022, il-liġijiet, ir-regolamenti u d-dispożizzjonijiet amministrattivi neċessarji sabiex tikkonforma ruħha mad-Direttiva (UE) 2019/1937 tal-Parlament Ewropew u tal-Kunsill tat-23 ta’ Ottubru 2019 dwar il-protezzjoni ta’ persuni li jirrapportaw dwar ksur tal-liġi tal-Unjoni, u, għaldaqstant, billi ma kkomunikatx dawn id-dispożizzjonijiet lill-Kummissjoni, ir-Repubblika tal-Polonja naqset milli twettaq l-obbligi tagħha taħt skont l-Artikolu 26(1) u (3) ta’ din id-direttiva.
2) Billi, sal-jum tal-eżami tal-fatti mill-Qorti tal-Ġustizzja, ma kinitx adottat l-miżuri neċessarji sabiex tittrasponi fid-dritt intern tagħha id-dispożizzjonijiet tad-Direttiva 2019/1937 u lanqas, għaldaqstant, ma kkomunikat dawn il-miżuri lill-Kummissjoni Ewropea, ir-Repubblika tal-Polonja ppersistiet fin-nuqqas ta’ twettiq ta’ obbligu tagħha.
3) Ir-Repubblika tal-Polonja hija kkundanata tħallas lill-Kummissjoni Ewropea:
– somma f’daqqa ta’ ammont ta’ EUR 7 000 000;
– fil-każ li n-nuqqas ta’ twettiq ta’ obbligu kkonstatat fil-punt 1 tad-dispożittiv ikun għadu jippersisti fid-data tal-għoti ta’ din is-sentenza, pagament ta’ penalità ta’ kuljum fl-ammont ta’ EUR 40 000 b’effett minn din id-data u sa meta dan l-Istat Membru jkun temm in-nuqqas ta’ twettiq ta’ obbligu.
4) Ir-Repubblika tal-Polonja hija kkundannata tbati, minbarra l-ispejjeż tagħha, dawk sostnuti mill-Kummissjoni Ewropea.
Firem