Breithiúnas na Cúirte Breithiúnais (an Tríú Dlísheomra) an 25 Aibreán 2024 (iarrataí ar réamhrialú ón College van Beroep voor het bedrijfsleven - an Ísiltír) – Pesticide Action Network Europe (PAN Europe) v College voor de toelating van gewasbeschermingsmiddelen en biociden
(Cásanna uamtha C-309/22 agus C-310/22, PAN Europe (Measúnú ar airíonna réabtha iontálaigh)) 1
(Tarchur chun réamhrialú – Comhfhogasú dlíthe – Rialachán (CE) Uimh. 1107/2009 – Údarú chun táirgí cosanta plandaí a chur ar an margadh – Scrúdú i gcomhair údarúcháin – Airteagal 4 – Airteagal 29 – Ceanglais – Easpa iarmhairt dhíobhálach – Critéir – Airíonna réabtha iontálaigh – Rialachán (CE) Uimh. 2018/605 – Prionsabal an réamhchúraim – Eolas reatha eolaíoch agus theicniúil)
Teanga an cháis: an Ollainnis
An chúirt a rinne an tarchur
College van Beroep voor het bedrijfsleven
Páirtithe sna príomhimeachtaí
Iarratasóir: Pesticide Action Network Europe (PAN Europe)
Cosantóir: College voor de toelating van gewasbeschermingsmiddelen en biociden
tríú páirtí: Adama Registrations BV (Adama) (C-309/22), BASF Nederland BV (C-310/22)
An chuid oibríochtúil
Maidir le hAirteagal 29(1)(a) agus (e), agus an dara fomhír d’Airteagal 4(1), agus Airteagal 4(3), de Rialachán (CE) Uimh. 1107/2009 ó Pharlaimint na hEorpa agus ón gComhairle, an 21 Deireadh Fómhair 2009, maidir le táirgí cosanta plandaí a chur ar an margadh agus lena n-aisghairtear Treoracha 79/117/CEE agus 91/414/CEE ón gComhairle, arna leasú le Rialachán (AE) 2018/605 ón gCoimisiún an 19 Aibreán 2018, lena leasaítear Iarscríbhinn II a ghabhann le Rialachán (CE) Uimh. 1107/2009 trí chritéir eolaíocha a leagan amach chun airíonna réabtha iontálaigh a chinneadh, arna léamh i gcomhar le pointe 3.6.5 d'Iarscríbhinn II a ghabhann le Rialachán Uimh. 1107/2009, arna leasú,
ní mór léiriú a dhéanamh mar seo a leanas:
go bhfuil údarás inniúil de chuid Ballstáit atá freagrach as mheasúnú a dhéanamh ar iarratas ar údarú táirge cosanta plandaí a chur ar an margadh faoi cheangal, mar chuid den mheasúnú sin ar an iarratas, na hiarmhairtí díobhálacha a d’fhéadfadh a bheith ag na hairíonna réabtha iontálaigh substainte gníomhaí atá sa táirge sin ar dhaoine a chur san áireamh, i bhfianaise an eolais eolaíoch nó teicniúil ábhartha agus iontaofa atá ar fáil tráth an mheasúnaithe sin agus a bhfuil, go háirithe, sna critéir a leagtar amach i bpointe 3.6.5.
____________
1 IO C 359, 19.9.2022.