Rikors ippreżentat fid-29 ta' Mejju 2012 - Lidl Stiftung vs UASI - LĺDL MUSIC (LIDL express)
(Kawża T-225/12)
Lingwa tar-rikors: l-Ingliż
Partijiet
Rikorrenti: Lidl Stiftung & Co. KG (Neckarsulm, il-Ġermanja) (rappreżentanti: M. Schaeffer, M. Wolter u A. Marx, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell : LĺDL MUSIC, spol. s r.o. (Brno, Ir-Repubblika Ċeka)
Talbiet
Ir-rikorrenti titlob li l-Qorti Ġenerali jogħġobha:
tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tal-21 ta' Marzu 2012 (R 2379/2010-1);
tikkundanna lill-konvenut għall-ispejjeż.
Motivi u argumenti prinċipali
Applikanti għat-trade mark Komunitarja: ir-rikorrenti
Trade mark Komunitarja kkonċernata: it-trade mark figurattiva "LIDL express" għal prodotti fil-klassi 15 - Applikazzjoni għat-trade mark Komunitarja Nru 6 857 536
Proprjetarju tat-trade mark jew tas-sinjal invokat insostenn tal-oppożizzjoni: il-parti l-oħra fil-proċedimenti quddiem il-Bord tal-Appell
Trade mark jew sinjal invokat: it-trade mark figurattiva nazzjonali u t-trade mark verbali Komunitarja "LIDL MUSIC" għal prodotti fil-klassi 15
Deċiżjoni tad-Diviżjoni tal-Oppożizzjoni: oppożizzjoni milqugħa
Deċiżjoni tal-Bord tal-Appell: appell miċħud
Motivi invokati:
ksur tal-Artikolu 15(1), flimkien mal-Artikolu 42(2) u (3) tar-Regolament tal-Kunsill Nru 207/2009, u r-Regola 22(3) u (4) tar-Regolament tal-Kummissjoni Nru 2868/95;
ksur tal-Artikolu 15(1)(a), flimkien mal-Artikolu 42(2) u (3) tar-Regolament tal-Kunsill Nru 207/2009;
ksur tal-Artikolu 8(1)(b) tar-Regolament tal-Kunsill Nru 207/2009.
____________