Sentenza tal-Qorti Ġenerali tas-27 ta’ Frar 2014 – Lidl Stiftung vs UASI – Lídl Music (LIDL express)
(Kawża T-225/12) 1
[“Trade mark Komunitarja – Proċedimenti ta’ oppożizzjoni – Applikazzjoni għat-trade mark Komunitarja figurattiva LIDL express – Trade mark nazzjonali figurattiva preċedenti LÍDL MUSIC – Raġuni relattiva għal rifjut – Probabbiltà ta’ konfużjoni – Artikolu 8(1)(b) tar-Regolament (KE) Nru°207/2009 – Użu ġenwin mit-trade mark preċedenti – Artikolu 15(1) u Artikolu 42(2) u (3) tar-Regolament Nru 207/2009”]
Lingwa tal-kawża: l-Ingliż
Partijiet
Rikorrenti: Lidl Stiftung & Co. KG (Neckarsulm, il-Ġermanja) (rappreżentanti: inizjalment M. Schaeffer, M. Wolter u A. Marx, sussegwentement M. Wolter, A. Marx u M. Kefferpütz, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni) (rappreżentant: L. Rampini, aġent)
Parti oħra fil-proċedimenti quddiem il-Bord tal-Appell tal-UASI: Lídl Music spol. s r.o. (Brno, ir-Repubblika Ċeka)
Suġġett
Rikors ippreżentat kontra d-deċiżjoni tal-Ewwel Bord tal-Appell tal-UASI, tal-21 ta’ Marzu 2012 (Każ R 2379/2010-1), dwar proċedimenti ta’ oppożizzjoni bejn Lídl Music spol. s r.o. u Lidl Stiftung & Co. KG.
Dispożittiv
Ir-rikors huwa miċħud.
Lidl Stiftung & Co. KG hija kkundannata għall-ispejjeż.
____________1 ĠU C 227, 28.07.2012.