Digriet tal-Qorti tal-Prim’Istanza (It-Tmien Awla) tat-13 ta’ Novembru 2008 – Lemaître Sécurité vs Il-Kummissjoni

(Kawża T-301/06)

“Rikors għal annullament – Dumping – Importazzjonijiet ta’ żraben b’maskaretta ta’ protezzjoni li joriġinaw mir-Repubblika Popolari taċ-Ċina u mill-Indja – Deċiżjoni tal-Kummissjoni li tagħlaq il-proċedura antidumping – Nuqqas ta’ interess individwali – Inammissibbiltà manifesta”

1.                     Rikors għal annullament - Persuni fiżiċi jew ġuridiċi - Atti li jikkonċernawhom direttament u individwalment (Ir-raba’ paragrafu tal-Artikolu 230 KE; Regolament tal-Kunsill Nru 384/96, Artikoli 5(10) u 6(5); Deċiżjoni tal-Kummissjoni 2006/582) (ara l-punti 23-29)

2.                     Rikors għal annullament - Ġurisdizzjoni tal-Qorti Komunitarja - Ġurisdizzjoni sħiħa - Ordni mogħtija lil istituzzjoni - Inammissibbiltà (Artikoli 229 KE u 230 KE) (ara l-punt 31)

Suġġett

Talba għall-annullament tad-Deċiżjoni tal-Kummissjoni 2006/582/KE tat-28 ta’ Awwissu 2006 li tagħlaq il-proċedura antidumping dwar l-importazzjonijiet ta’ żraben b’maskaretta ta’ protezzjoni li joriġinaw mir-Repubblika Popolari taċ-Ċina u mill-Indja (ĠU L 234, p. 33).

Dispożittiv

1) Ir-rikors huwa miċħud bħala manifestament inammissibbli.

2) Lemaître Sécurité SAS għandha tbati l-ispejjeż tagħha stess kif ukoll dawk sostnuti mill-Kummissjoni.

3) L-Associazione nazionale calzaturifici italiani għandha tbati l-ispejjeż rispettivi tagħha.