Caingean arna tabhairt an 21 Márta 2024 - WAAA v CPVO – Teak Enterprises (Cripps Pink agus Cripps Red)

(Cás T-159/24)

Teanga inar taisceadh an t-iarratas: an Béarla

Páirtithe

Iarratasóir: Western Australian Agriculture Authority (WAAA) (Perth Theas, an Astráil) (ionadaithe: T. Bouvet agus C. Devinant, Dlíodóirí)

Cosantóir: an Oifig Comhphobail um Chineálacha Plandaí

Páirtí eile sna himeachtaí os comhair an Bhoird Achomhairc: Teak Enterprises Pty Limited (Applecross, an Astráil)

Sonraí na n-imeachtaí os comhair CVPO

Dílséanach an chirt Chomhphobail maidir le Cineálacha Plandaí atá faoi cheist: Iarratasóir os comhair na Cúirte Ginearálta

An ceart Comhphobail maidir le Cineálacha Plandaí atá faoi cheist: Cineálacha úll Cripps Pink agus Cripps Red – Cearta Comhphobail maidir le cineálacha plandaí Uimh. 1640 agus Uimh. 3425

Nós imeachta os comhair CPVO: Imeachtaí neamhbhailíochta

Cinneadh atá faoi chonspóid: Cinneadh Bhord Achomhairc CPVO an 12 Eanáir 2024 i gCásanna Uamtha A 019/2021 agus A 020/2021

An t-ordú atá á lorg

Iarrann an t-iarratasóir ar an gCúirt Ghinearálta:

– an cinneadh atá faoi chonspóid a chur ar neamhní agus a chur ar leataobh;

– an cinneadh atá faoi chonspóid a athrú agus glacadh leis go bhfuil an ceart ag CPVO:

a mheas nár comhlíonadh na coinníollacha a leagtar síos chun imeachtaí neamhbhailíochta a thionscnamh;

cinneadh a dhéanamh gan na cineálacha Cripps Pink agus Cripps Red a chur ar neamhní;

– a ordú do Teak Enterprises Pty Limited costais agus caiteachais na n-imeachtaí a íoc.

Saincheisteanna dlí arna maíomh

Sárú ar Airteagal 53a de Rialachán Cur Chun Feidhme (CE) Uimh. 874/2009 ón gCoimisiún, mar aon le hAirteagal 266 CFAE, prionsabal na deimhneachta dlíthiúla agus na forálacha maidir leis an dualgas cruthúnais;

Sárú ar Airteagal 10 de Rialachán (CE) Uimh. 2100/94 ón gComhairle i gcomhcheangal le hAirteagal 53a de Rialachán Cur Chun Feidhme (CE) Uimh. 874/2009 ón gCoimisiún agus na forálacha maidir leis an dualgas cruthúnais.

____________