Digriet tal-Qorti Ġenerali tad-9 ta’ Marzu 2017 – Pure Fishing vs EUIPO – Łabowicz (NANOFIL)
(Kawża T-323/13) 1
(“Trade mark tal-Unjoni Ewropea – Proċedimanti ta’ oppożizzjoni – Applikazzjoni għat-trade mark verbali tal-Unjoni Ewropea NANOFIL – Dikjarazzjoni ta’ invalidità tat-trade mark figurattiva preċedenti tal-Unjoni Ewropea NANO – Ma hemmx lok li tingħata deċiżjoni”)
Lingwa tal-kawża: l-Ingliż
Partijiet
Rikorrenti: Pure Fishing, Inc. (Spirit Lake, Iowa, l-Istati Uniti) (rappreżentant: J. Dickerson, solicitor)
Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: L. Rampini, aġent)
Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: Edward Łabowicz (Kłodzko, il-Polonja) (rappreżentant: M. Żygadło, avukat)
Suġġett
Rikors ippreżentat kontra d-deċiżjoni tat-Tieni Bord tal-Appell tal-EUIPO tal-15 ta’ April 2013 (Każ R 1241/2012-2), dwar proċedimenti ta’ oppożizzjoni bejn E. Łabowicz u Pure Fishing.
Dispożittiv
Ma hemmx iktar lok li tingħata deċiżjoni fuq ir-rikors.
Kull parti għandha tbati l-ispejjeż tagħha stess.
____________1 ĠU C 252, 31.8.2013.