Achomharc arna thabhairt an 29 Aibreán 2024 ag Pesticide Action Network Europe (PAN Europe) i gcoinne Ordú na Cúirte Ginearálta (an Ceathrú Dlísheomra) a fógraíodh an 21 Feabhra 2024 i gCás T-536/22 PAN Europe v an Coimisiún
(Cás = "n" "Case" IF = "o" "Joined Cases" C-316/24 P)
Teanga an cháis: an Fhraincis
Páirtithe
Achomharcóir: Pesticide Action Network Europe (PAN Europe) (ionadaí: A.Bailleux, avocat)
Páirtí eile sna himeachtaí: An Coimisiún Eorpach
An t-ordú atá á lorg
Iarrann an t-achomharcóir ar an gCúirt Ghinearálta:
a dhearbhú go bhfuil an t-achomharc inghlactha agus go bhfuil bunús maith leis;
breithiúnas na Cúirte Ginearálta an Aontais Eorpaigh (an Ceathrú Dlísheomra) an 21 Feabhra 2024 i gCás T-536/22, a chur ar neamhní ina iomláine;
i gcomhréir le hAirteagal 61(1), de Reacht na Cúirte Breithiúnais agus le hAirteagal 170(1), de Rialacha Nós Imeachta na Cúirte Breithiúnais, breith a thabhairt sa chás agus, ag glacadh leis an ordú arna lorg ag an iarratasóir ag an gcéad chéim, an Cinneadh ón gCoimisiún, curtha in iúl don achomharcóir an 18 Iúil 2022, ag diúltú iarratas le haghaidh athbhreithniú inmheánach ar Rialachán Cur Chun Feidhme (AE) 2021/2049 ón gCoimisiún Eorpach an 24 Samhain 2021 lena ndéantar athnuachan ar fhormheas na substainte gníomhaí ‘cipirmeitrin’, a chur ar neamhní 1 ;
a ordú don Choimisiún costais an achomhairc seo agus na n-imeachtaí os comhair na Cúirte Ginearálta a íoc;
Saincheisteanna dlí agus príomhargóintí
Mar thaca leis an achomharc, maíonn an t-achomharcóir go bhfuil earráidí dlíthiúla, réasúnaíocht neamhleor agus fhrithráiteach, easnamhach agus earráideach, nó de shaobhadh ar an bhfianaise ag baint leis na conclúidí ar tháinig an Chúirt Ghinearálta orthu sa bhreithiúnas atá faoi achomharc.
Déanann na hearráidí sin difear don bhreithiúnas faoi achomharc, a mhéid a ghlactar ann le dearcadh an Choimisiúin ina chinneadh lena ndiúltaítear don iarratas ar athbhreithniú inmheánach ar dá réir is féidir leis an gCoimisiún an tsubstaint ghníomhach ‘cipirmeitrin’ a athcheadú:
– in ainneoin na réimsí criticiúla imní a d’ardaigh an t-Údarás Eorpach um Shábháilteacht Bia;
in ainneoin bearnaí sna sonraí (agus mar sin in éagmais conclúid ón Údarás Eorpach um Shábháilteacht Bia maidir leis an bhféidearthacht go bhfuil suaitheadh inchríneach ag baint le cipirmeitrin);
in ainneoin líon suntasach bearnaí i sonraí eile, lena n-áirítear sonraí ba ghá don achomharcóir a chur ar fáil sa chomhad a thacaíonn leis an iarratas le haghaidh athnuachan ar chipirmeitrin;
mar aon le hiarrataí ar fhaisnéis deimhniúcháin a bhaineann le sonraí ar cheart í a thíolacadh sa chomhad athnuachana nó ar cheart diúltú don athnuachan de bharr na héagmaise sin;
in ainneoin nach ndearnadh measúnú ar thocsaineacht fhadtéarmach an táirge cosanta plandaí tagartha;
____________
1 Rialachán Cur Chun Feidhme (AE) 2021/2049 ón gCoimisiún, an 24 Samhain 2021 lena ndéantar formheas na substainte gníomhaí cipirmeitrin mar shubstaint atá inbhreithnithe lena hionadú a athnuachan i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirge cosanta planda a chur ar an margadh, agus lena leasaítear Iarscríbhinn Rialachán Cur Chun Feidhme (AE) Uimh. 540/2011 ón gCoimisiún (IO 2021 L 420, lch. 6).