Digriet tal-Qorti Ġenerali tat-18 ta' Mejju 2010 - Abertis Infraestructuras vs Il-Kummissjoni
"Rikors għal annullament - Konċentrazzjonijiet - Deċiżjoni li tingħalaq il-proċedura miftuħa abbażi tal-Artikolu 21(4) tar-Regolament (KE) Nru 139/2004 - Terminu għall-preżentata ta' rikors - Bidu tad-dekorrenza - Inammissibbiltà"
Lingwa tal-kawża: l-Ispanjol
Partijiet
Rikorrent: Abertis Infraestructuras, SA (Barċellona, Spanja) (rappreżentanti: M. Roca Junyent u P. Callol García, avukati)
Konvenuta: Il-Kummissjoni Ewropea (rappreżentanti: V. Di Bucci u É. Gippini Fournier, aġenti)
Suġġett
Talba għal annullament tad-Deċiżjoni tal-Kummissjoni, tat-13 ta' Awwissu 2008, li tingħalaq il-proċedura miftuħa abbażi tal-Artikolu 21(4) tar-Regolament tal-Kunsill (KE) Nru 139/2004, tal-20 ta' Jannar 2004, dwar il-kontroll ta' konċentrazzjonijiet bejn impriżi (ĠU Edizzjoni Speċjali bil-Malti, Kapitolu 8, Vol. 3, p. 40), fir-rigward ta' operazzjoni ta' konċentrazzjoni bejn ir-rikorrenti u Autostrade SpA (Każ COMP/M.4388 Albertis/Autostrade).
Dispożittiv
Ir-rikors huwa miċħud bħala inammissibbli.
Abertis Infraestructuras, SA hija kkundannata għall-ispejjeż.
____________1 - ĠU C 167, 18.7.2009.