Rikors ippreżentat fit-18 ta' April 2011 - TeamBank AG Nürnberg vs UASI - Fercredit Servizi Finanziari (f@ir Credit)
(Kawża T-220/11)
Lingwa tar-rikors: il-Ġermaniż
Partijiet
Rikorrenti: TeamBank AG Nürnberg (Nürnberg, il-Ġermanja) (rappreżentanti: T. Kiphuth, H. Lindner u D. Terheggen, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Fercredit Servizi Finanziari SpA (Ruma, L-Italja)
Talbiet tal-partijiet
Ir-rikorrenti titlob lill-Qorti Ġenerali jogħġobha:
tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tat-3 ta' Frar 2011, fil-Każ R 719/2010-1,
tikkundanna lill-UASI għall-ispejjeż.
Motivi u argumenti prinċipali
Applikant għat-trade mark Komunitarja: ir-rikorrenti
Trade mark Komunitarja kkonċernata: trade mark figurattiva "fa@ir Credit" għal servizzi fil-klassi 36 (Applikazzjoni Nru 6947766).
Proprjetarju tat-trade mark jew tas-sinjal invokat insostenn tal-oppożizzjoni: Fercredit Servizi Finanziari SpA..
Trade mark jew sinjal invokat insostenn tal-oppożizzjoni: trade mark figurattiva "FERCREDIT" għal prodotti u servizzi fil-klassijiet 6, 7, 12, 14, 16, 18, 25, 35, 36, 39, 41, 42, 43 u 44 (Trade mark Komunitarja Nru 3 749 801), fejn l-oppożizzjoni tirrigwarda r-reġistrazzjoni ta' servizzi fil-klassi 36.
Deċiżjoni tad-Diviżjoni tal-Oppożizzjoni: oppożizzjoni milqugħa.
Deċiżjoni tal-Bord tal-Appell: appell miċħud.
Motivi invokati: ksur tal-Artikolu 8(1)(b) tar-Regolament Nru 207/2009
1, minħabba n-nuqqas ta' probabbiltà ta' konfużjoni bejn it-trade marks inkwistjoni.
____________1 - Regolament tal-Kunsill (KE) 207/2009, tas- 26 ta' Frar 2009, dwar it-trade mark Komunitarja (Verżjoni kodifikata), ĠU L 78, 24.3.2009, p. 1