Ceannaíonn an Chúirt Bhreithiúnais oibreacha, soláthairtí agus seirbhísí trí nósanna imeachta soláthair de réir rialacha an Rialacháin Airgeadais. Ní féidir leis an gCúirt conradh a shíniú le tairgeoir rathúil go dtí go mbeidh na nósanna imeachta dochta sin tugtha chun críche.

Nuair is gá don Chúirt oibreacha, soláthairtí agus seirbhísí a cheannach, leanann sí na rialacha a leagtar amach sa Rialachán Airgeadais. Cé is moite de chonarthaí ar luach íseal agus ar mheánluach, ní mór don Chúirt, i bprionsabal, fógraí conartha a eisiúint, ar glaonna poiblí ar sholáthróirí iad chun tairiscintí a chur isteach.

Foilsítear na fógraí conartha sin go rialta i sraith ‘S’ d’Iris Oifigiúil an Aontais Eorpaigh.

Anseo thíos tá na glaonna ar thairiscintí is déanaí a bhfuil an Chúirt ina húdarás conarthach lena n-aghaidh. Chun tuilleadh eolais a fháil faoi ghlaonna ar thairiscintí atá ann faoi láthair agus a rinneadh roimhe seo, féach TED - Tairiscintí an Aontais, Forlíonadh ar an Iris Oifigiúil a thugtar cothrom le dáta gach lá.

Chun faisnéis oifigiúil agus iomlán a fháil, féach sraith ‘S’ d’Iris Oifigiúil an Aontais Eorpaigh i gcónaí.