Il-Qorti tal-Ġustizzja takkwista xogħlijiet, provvisti u servizzi permezz ta’ kuntratti pubbliċi konformement mar-regoli tar-Regolament Finanzjarju. Huwa biss wara l-finalizzazzjoni ta’ dawn il-proċeduri stretti li l-Qorti tal-Ġustizzja tista’ tiffirma kuntratt ma’ offerent magħżul.

Meta l-Qorti tal-Ġustizzja takkwista xogħlijiet, provvisti u servizzi, hija ssegwi r-regoli stabbiliti fir-Regolament Finanzjarju. Bl-eċċezzjoni ta’ kuntratti b’valur baxx u medju, hija għandha, bħala prinċipju, toħroġ avviżi ta’ kuntratt, li huma sejħiet pubbliċi għall-fornituri sabiex jissottomettu offerti.

Dawn l-avviżi ta’ kuntratt jiġu ppubblikati regolarment fis-serje “S” tal-Ġurnal Uffiċjali tal-Unjoni Ewropea.

Hawn taħt issib l-aħħar sejħiet għall-offerti li għalihom il-Qorti tal-Ġustizzja hija awtorità kontraenti. Għal iktar informazzjoni dwar is-sejħiet għall-offerti attwali u tal-passat, jekk jogħġbok ara TED - EU Tenders, Suppliment tal-Ġurnal Uffiċjali, li jiġi aġġornat kuljum.

Għall-informazzjoni uffiċjali u kompluta, irreferi dejjem għas-serje “S” tal-Ġurnal Uffiċjali tal-Unjoni Ewropea.