Conas dul chuig an gCúirt

Tá Cúirt Bhreithiúnais an Aontais Eorpaigh lonnaithe i gceantar Kirchberg i gCathair Lucsamburg. Le córas iompair phoiblí Lucsamburg atá saor in aisce, cuirtear go leor roghanna ar fáil chun taisteal chuig an gCúirt. Tá sé gar do ghréasán mótarbhealaí Lucsamburg freisin.

SeoladhPlan

Is é seoladh oifigiúil na Cúirte:

Cúirt Bhreithiúnais an Aontais Eorpaigh
L-2925 Lucsamburg

Conas is féidir liom dul isteach sa Chúirt?

Ba cheart do ghrúpaí cuairteoirí agus cuairteoirí aonair an bealach isteach ar rue Charles-Léon Hammes a úsáid.

  • Comhordanáidí GPS N 49,622263, E 6,143009

Tugtar cuireadh do chuairteoirí faoi mhíchumas an bealach isteach ar rue du Fort Niedergrünewald a úsáid.

Ba cheart do pháirtithe agus a n-ionadaithe, chomh maith le gníomhairí institiúidí eile, an bealach isteach ar rue du Fort Niedergrünewald a úsáid.

  • Comhordanáidí GPS N 49,621036, E 6,143116

 

Conas is féidir liom dul chuig an gCúirt?

Iompar poiblí

Is féidir dul chuig an gCúirt Bhreithiúnais trí mhodhanna éagsúla iompair phoiblí. Tá an t-iompar poiblí i Lucsamburg saor in aisce.

Tá amchláir agus nuashonruithe le fáil ar shuíomh gréasáin iompair phoiblí Lucsamburg.

Is iad seo a leanas na stadanna tramanna is gaire:

  • Philharmonie/Mudam
  • Parlement Européen

Is iad seo a leanas na stadanna bus is gaire:

  • Kirchberg, B.E.I.
  • Niedergrünewald
  • Kirchberg, Jean Monnet

Ar thraein

Níl stáisún Lucsamburg ach turas gearr ar bus nó tram ón gCúirt.

Is é Pfaffenthal-Kirchberg an stáisiún traenach is gaire. Nascann cáblach an stáisiún traenach le ceantar Kirchberg agus tá sé laistigh d’achar siúil na Cúirte.

Tá amchláir mhionsonraithe traenach le fáil ar shuíomh gréasáin CFL.

I gcarr

Má thaistealaíonn tú go dtí an Chúirt i gcarr, is é an bealach amach ar an mótarbhealach is cóngaraí ná uimh. 8 den A1 (E44), ar a bhfuil comharthaíocht Plateau de Kirchberg. Is é ‘Parking Place de l’Europe’ an carrchlós poiblí is gaire.

Faisnéis, doiciméid agus foilseacháin ghaolmhara