Cuairt Alexander Stubb, Uachtarán na Fionlainne

Dé Máirt an 29 Meán Fómhair 2026, thug a Shoilse Alexander Stubb, Uachtarán Phoblacht na Fionlainne, in éineacht le toscaireacht uachtaránachta, cuairt ar Chúirt Bhreithiúnais an Aontais Eorpaigh.

Chuir Koen Lenaerts, Uachtarán na Cúirte Breithiúnais, in éineacht le comhaltaí Fionlannacha na hInstitiúide, Niilo Jääskinen, Breitheamh den Chúirt Bhreithiúnais, agus Heikki Kanninen agus Tuula Pynnä, Breithiúna den Chúirt Ghinearálta, fáilte roimh an Uachtarán Stubb.

Tar éis píosa cainte ón Uachtarán Lenaerts, thug an tUachtarán Stubb aitheasc sa ‘Limistéar fáiltithe Helvi Sipilä’ ag bealach isteach Túr Rocca, a ainmníodh ar dhuine de na chéad mhná a chleacht mar dhlíodóir san Fhionlainn agus pearsa íocónacha sa chomhrac ar son an chomhionannais inscne, go hidirnáisiúnta agus ina tír dhúchais araon.

Cuireadh clabhsúr leis an gcuairt le cruinniú le baill foirne Fhionlannacha na Cúirte.