Cóipcheart

Cásdlí

Is féidir leat na cinntí breithiúnacha atá le fáil sa bhunachar sonraí cásdlí a atáirgeadh.

Tabhair faoi deara le do thoil go mbíonn saothair atá faoi chosaint cóipchirt sna doiciméid seo uaireanta – mar shampla íomhánna de thrádmharcanna nó saothair ealaíne. Chun ábhar atá faoi chosaint cóipchirt nach bhfuil i seilbh an Aontais Eorpaigh a úsáid, bheadh ​​ort cead a lorg go díreach ó shealbhóirí na gceart.

Ábhar eagarthóireachta

Is féidir leat an t‑ábhar eagarthóireachta atá ar fáil ar an suíomh gréasáin seo a atáirgeadh. Má dhéanann tú amhlaidh, ní mór duit aitheantas a thabhairt don fhoinse — ‘Cúirt Bhreithiúnais an Aontais Eorpaigh’. Níor cheart duit bunbhrí ná teachtaireacht an ábhair a shaobhadh. Ní mór duit aon athrú atá déanta agat a chur in iúl freisin.

Íomhánna

Is féidir na pictiúir in Ionad Meán an tsuímh gréasáin a atáirgeadh, ina n‑iomláine agus gan aon mhodhnú, leis na heisceachtaí a luaitear thíos. Agus é sin á dhéanamh agat, ní mór duit sealbhóir an chóipchirt a lua — ©An tAontas Eorpach agus ainm an ghrianghrafadóra mar atá léirithe do gach grianghraf.

D’fhéadfadh pictiúir d’fhoirgnimh Chúirt Bhreithiúnais an Aontais Eorpaigh a atáirgtear ar an suíomh gréasáin agus an saothar ealaíne a léirítear sna híomhánna ar an leathanach ‘Ealaín sa Chúirt’ a bheith faoi réir cóipchirt nach bhfuil ag an Aontas Eorpach. Chun na pictiúir agus na híomhánna sin a úsáid, bheadh ort cead a lorg go díreach ó na sealbhóirí ceart.

Is é an t‑ailtire Dominique Perrault údar na bhfoirgneamh seo.