Direttorat Ġenerali għall-Multilingwiżmu
X’inhu d-Direttorat Ġenerali għall-Multilingwiżmu?
Il-multilingwiżmu huwa valur fundamentali tal-Qorti tal-Ġustizzja tal-Unjoni Ewropea.
Skont l-Artikolu 42 tar-Regoli tal-Proċedura, il-Qorti tal-Ġustizzja għandha twaqqaf “dipartiment lingwistiku kompost minn esperti li għandhom taħriġ ġuridiku adegwat u għarfien wiesa’ ta’ diversi lingwi uffiċjali tal-Unjoni”.
Dan id-dipartiment, magħruf bħala d-Direttorat Ġenerali għall-Multilingwiżmu, huwa l-ikbar dipartiment fi ħdan l-Istituzzjoni. Huwa jiżgura l-aċċess għall-proċeduri ġudizzjarji u għad-dokumenti fil-lingwi uffiċjali kollha tal-Unjoni. Dawn huma
- il-Bulgaru
- il-Kroat
- iċ-Ċek
- id-Daniż
- l-Olandiż
- l-Ingliż
- l-Estonjan
- il-Finlandiż
- il-Franċiż
- l-Irlandiż
- il-Ġermaniż
- il-Grieg
- l-Ungeriż
- it-Taljan
- il-Latvjan
- il-Litwan
- il-Malti
- il-Pollakk
- il-Portugiż
- ir-Rumen
- is-Slovakk
- is-Sloven
- l-Ispanjol
- l-Isvediż
Id-Direttorat Ġenerali għall-Multilingwiżmu fih
- id-Direttorat għall-Interpretazzjoni
- żewġ Direttorati għat-Traduzzjoni Ġuridika (A u B)
- diviżjonijiet funzjonali li jittrattaw kompiti trażversali għad-dipartiment kollu u li jirrapportaw direttament lid-Direttur Ġenerali
Għal iktar informazzjoni dwar il-ħidma tad-Direttorat Ġenerali għall-Multilingwiżmu, ara s-sit internet tagħna iddedikat għall-multilingwiżmu.
