Żwieġ omosesswali fl-UE: Stat jista’ jirrifjuta li jirrikonoxxih?

Fl-Unjoni Ewropea, kull Stat Membru jibqa’ liberu li jawtorizza jew le ż-żwieġ bejn persuni tal-istess sess. Min-naħa l-oħra, il-qsim ta’ fruntiera ma għandux iċaħħad liċ-ċittadini mid-drittijiet marbuta ma’ żwieġ iċċelebrat legalment fi Stat ieħor. Dan huwa wieħed mid-drittijiet iggarantiti mill-moviment liberu.