Is-Selezzjoni tal-Iktar Sentenzi Importanti tiġi ppubblikata kull sena. Hija jkollha sunti tas-sentenzi l-iktar importanti tal-Qorti tal-Ġustizzja u tal-Qorti Ġenerali tas-sena ta’ qabel.

Hija tkun disponibbli bil-lingwi uffiċjali kollha tal-Unjoni.

X’inhi s-selezzjoni tal-iktar sentenzi importanti?

Is-Selezzjoni tal-Iktar Sentenzi Importanti hija pubblikazzjoni annwali mid-Direttorat għar-Riċerka u għad-Dokumentazzjoni. Hija tipprovdi lill-prattikanti tal-liġi analiżi konċiża tal-iktar żviluppi importanti fil-ġurisprudenza, kif identifikati mill-Qorti tal-Ġustizzja u mill-Qorti Ġenerali. L-ewwel edizzjoni ġiet ippubblikata fl‑2023 u kienet tkopri s-sentenzi mogħtija fl‑2022.

Kull Selezzjoni tal-Iktar Sentenzi Importanti hija ġabra ta’ sunti, miġbura skont is-suġġett, skont sistema ispirata mill-istruttura tat-Trattati tal-Unjoni Ewropea.

Id-deċiżjonijiet jintgħażlu għall-inklużjoni fid-dawl

• tal-importanza tagħhom
• tas-suġġetti li jindirizzaw
• tal-interess tagħhom għall-pubbliku
• tal-oriġinalità tal-kwistjonijiet

Għall-Qorti tal-Ġustizzja, jiġu inklużi d-deċiżjonijiet kollha tal-Awla Manja.

Għal kull sunt, ikun hemm link għat-test sħiħ tad-deċiżjoni, għal aċċess faċli u immedjat.