Żviluppi fil-futur qarib għall-magna ta’ tfittxija InfoCuria
Interface avvanzata, inkluża formola ta’ tfittxija avvanzata b’kriterji multipli, ser titnieda fir-rebbiegħa 2026.
Fit‑12 ta’ Jannar 2026, il-Qorti tal-Ġustizzja tal-Unjoni Ewropea nediet verżjoni ġdida tal-magna ta’ tfittxija InfoCuria tagħha.
Din hija intiża għal utenti ġeneriċi u ser tipprovdihom b’għodda ċara, intuwittiva u unifikata sabiex jaċċedu l-kawżi, id-deċiżjonijiet u l-konklużjonijiet pendenti, kif ukoll il-kontenut editorjali tas-sit internet.
Sabiex jintlaħqu l-bżonnijiet speċifiċi tal-professjonisti legali, verżjoni b’interface avvanzata permezz ta’ formola ta’ tfittxija b’kriterji multipli qiegħda tiġi żviluppata bħalissa u ser tkun disponibbli dalwaqt. Din il-formola ser tippermetti tfittxijiet iktar immirati bbażati fuq il-kriterji li ġejjin:
- Qorti
- Stat tal-kawża
- Numru tal-kawża
- Isem il-kawża
- Tfittxija fit-test
- Data tal-preżentata jew tal-għeluq tal-kawża
- Tip ta’ dokument u data
- Leġiżlazzjoni jew ġurisprudenza ċċitata (mingħajr numru CELEX, billi tuża metodu iktar intuwittiv sabiex tiddaħħal il-kelma għat-tfittxija)
- Sors tad-domanda għal deċiżjoni preliminari
- Tip ta’ proċedura u riżultat
- Lingwa tal-kawża
- Kulleġġ ġudikanti
- Imħallef Relatur
- Avukat Ġenerali
Din il-formola bi kriterji multipli għandha titqiegħed fil-produzzjoni fir-rebbiegħa tal‑2026.
Din imbagħad ser tiġi aġġornata abbażi ta’ kriterji addizzjonali, inklużi:
- Suġġett
- Repertorju tal-ġurisprudenza
- Dispożizzjonijiet legali nazzjonali
- Dispożizzjonijiet legali internazzjonali
- Deċiżjonijiet nazzjonali sussegwenti u d-data ta’ dik id-deċiżjoni
- Numru ECLI
- Lingwa tal-konklużjonijiet
- Pubblikazzjoni fil-Ġabra
Fil-futur qarib, sabiex tottimizza t-tfittxijiet bil-verżjoni attwali, li tinkludi ħafna titjib u karatteristiċi ġodda, nistiednuk tikkonsulta l-FAQ u l-pariri għat-tfittxija tagħna.
