Seduta: Kawżi magħquda C-377/24, C-378/24 u C-479/24 Spanja vs Il Parlament | Kawżi magħquda C-381/24, C-382/24 u C-478/24 L Italja vs Il Parlament

Nhar it-Tnejn 21 u t-Tlieta 22 ta’ Settembru 2026, il-Qorti tal-Ġustizzja tal-Unjoni Ewropea se tisma’ l-Kawżi magħquda C‑377/24, C‑378/24 u C‑479/24 Spanja vs Il‑Parlament, flimkien mal-Kawżi magħquda C‑381/24, C‑382/24 u C‑478/24 L‑Italja vs Il‑Parlament.

Dawn il-kawżi jirrigwardaw kompetizzjoni għad-dħul fis-servizz ċivili organizzata mill-Parlament Ewropew li kienet irriżervata għal ċittadini Awstrijaċi. Il-Parlament ried iżid l-għadd ta’ uffiċjali ċivili Awstrijaċi, li huma kkunsidrati bħala sottorappreżentati fl-istituzzjonijiet tal-Unjoni. Id-dritt tal-Unjoni tippermetti lill-istituzzjonijiet jadottaw miżuri xierqa fejn ikun hemm żbilanċ sinjifikattiv bejn in-nazzjonalitajiet li ma jkunx iġġustifikat minn raġunijiet oġġettivi.

Spanja u l-Italja kkontestaw id-deċiżjoni tal-Parlament quddiem il-Qorti tal-Ġustizzja. Huma jargumentaw li din tikser il-prinċipju ta’ ugwaljanza fit-trattament fl-aċċess għall-impjiegi pubbliċi fl-Unjoni u toħloq diskriminazzjoni abbażi tan-nazzjonalità li ma hijiex suffiċjentement iġġustifikata. Huma jargumentaw ukoll li l-Parlament naqas milli jikkunsidra miżuri inqas restrittivi biex jikseb l-istess għan.

Din is-seduta ser tkun disponibbli fit-taqsima Curia Web TV tas-sit internet tagħna wara li tkun intemmet.

Fil-video li ġej, uffiċjal għall-istampa tal-Qorti tal-Ġustizzja jagħti ħarsa ġenerali lejn il-fatti tal-kawżi u l-kwistjonijiet ġuridiċi inkwistjoni.