Cuairt ar an gCúirt Eorpach um Chearta an Duine

Dé Luain an 12 Deireadh Fómhair 2026, thug toscaireacht ó Chúirt Bhreithiúnais an Aontais Eorpaigh cuairt ar an gCúirt Eorpach um Chearta an Duine. Bhí an toscaireacht faoi stiúir Koen Lenaerts, Uachtarán na Cúirte Breithiúnais, agus Thomas von Danwitz, Leas-Uachtarán.

Tugadh an chuairt sin i gcomhthéacs na teagmhála rialta idir na Cúirteanna, ar leibhéal breithiúnach agus riaracháin araon.

Cuireadh tús leis an gclár le focal fáilte ó Mattias Guyomar, Uachtarán na Cúirte Eorpaí um Chearta an Duine, agus thug an tUachtarán Lenaerts freagra ina dhiaidh sin.

Ghlac ionadaithe ón dá Chúirt páirt ansin i roinnt seisiún oibre, inar cumhdaíodh an méid seo a leanas:

• neamhspleáchas na mbreithiúna, go háirithe i gcomhthéacs athbhunú an smachta reachta
• cearta agus saoirsí bunúsacha a chosaint i réimse an spóirt
• ról na luachanna i gcóras ECHR agus i gcóras an Aontais maidir le cearta bunúsacha a chosaint

Thug na seisiúin sin deis do na rannpháirtithe páirt a ghlacadh i bpléití, tuairimí a mhalartú agus a dtaithí féin a roinnt maidir le hábhair leasa choitinn.