Cuairteanna ó chian – Tionscadal oideachasúil do dhaltaí meánscoile (15-18 mbliana)
Tríd an gclár oideachasúil fíorúil seo, leag an Chúirt Bhreithiúnais an Aontais Eorpaigh sprioc amach di féin:
- Misean institiúid bhreithiúnach an Aontais Eorpaigh a fháil amach;
- Tionchar chásdlí na Cúirte a mhíniú ar shaol laethúil shaoránaigh an Aontais;
- Daoine óga a chur ar an eolas faoi na dúshláin a bhaineann le rannpháirtíocht ghníomhach i saol daonlathach na hEorpa agus tuiscint níos fearr a thabhairt dóibh ar a gcearta mar shaoránaigh den Aontas Eorpach.
Céard atá sna cuairteanna seo ?
Cruthaítear an clár do na cuairteanna seo in éineacht le seirbhís na gcuairteanna. Is féidir le cuairteoirí a gclár féin a chur le chéile trí úsáid a bhaint as na eilimintí idirghníomhacha seo a leanas:
- Cruinniú le hoifigeach sinsearach na Cúirte Breithiúnais nó na Cúirte Ginearálta den náisiúntacht chéanna leis an ngrúpa. Féadfaidh breitheamh nó abhcóide ginearálta leis an náisiúntacht chéanna leis an ngrúpa an cur i láthair seo a thabhairt, i gcás inarb iomchuí agus ag brath ar infhaighteacht. (Mairfidh sé timpeall 45 nóiméad)
- Cur i láthair maidir le cás ón gCúirt Bhreithiúnais nó ón gCúirt Ghinearálta le nasc le tír thionscnaimh an ghrúpa nó suim na gcuairteoirí (Mairfidh sé timpeall 45 nóiméad)
- Na gairmeacha éagsúla ag an gCúirt (Mairfidh sé timpeall 30 nóiméad)
- Ilteangachas sa Chúirt (Mairfidh sé timpeall 30 nóiméad)
Beidh seisiún ceisteanna agus freagraí ag deireadh gach coda den chlár.
Dátaí:
Déanfaidh seirbhís na gcuairteanna a dícheall chun an cruinniú fíorúil a eagrú ar cheann de na trí dháta a chuirfidh na heagraithe ar aghaidh.
Teanga:
Teanga dhúchais na gcuairteoirí (ceann amháin de na 24 theanga oifigiúla an Aontais Eorpaigh, rogha na gcuairteoirí)
Méid an ghrúpa:
20 rannpháirtí ar a laghad; le grúpa le níos mó na 60 duine, ní mór an seisiún ceisteanna agus freagraí a eagrú i gcomhar le seirbhís na gcuairteanna.
Fad:
Is é uasfhad a mholtar ná 2 uair.
Tionlacan:
Beidh modhnóir a labhraíonn teanga an ghrúpa i dteannta leis na cuairteoirí.
Tacaíocht oideachasúil:
Roimh an gcuairt, cuirfidh seirbhís na gcuairteanna sraith doiciméad agus nasc ar fáil chun cabhair a thabhairt do mhúinteoirí ullmhú don chruinniú fíorúil sa rang.
Triail theicniúil:
Roimh an gcuairt, eagróidh seirbhís na gcuairteanna dáta leis na heagraithe chun an nasc a thástáil. (Mairfidh sé timpeall 10 nóiméad). Úsáidtear ardán na Cúirte, Webex, don chruinniú fíorúil seo. Ní gá do na cuairteoirí an feidhmchlár a íoslódáil.
Cén chaoi páirt a ghlacadh?
Teastaíonn clárú roimh ré ó mhúinteoirí leasmhara nó ó cheannairí grúpa chun páirt a ghlacadh sna cuairteanna. Is féidir le roinnt ranganna ó scoileanna éagsúla páirt a ghlacadh sa chuairt chéanna ag an am céanna.
Más múinteoir nó ceannaire grúpa thú a bhfuil spéis agat páirt a ghlacadh i gcianchuairt, is féidir iarratas a chur isteach tríd an bhfoirm chlárúcháin a chomhlánú.
