Tradutturi fuq bażi free-lance

Id-dipartiment tat-traduzzjoni

Id-dipartiment tat-traduzzjoni legali tal-istituzzjoni, b’iktar minn 600 ġurist lingwist, jittraduċi d-dokumenti legali tal-Qorti tal-Ġustizzja tal-Unjoni Ewropea. Huwa jiżgura t-tmexxija effiċjenti tal-proċeduri ġudizzjarji u t-tixrid multilingwi tad-deċiżjonijiet tal-Qorti, sabiex jagħti access għall-ġustizzja u għall-ġurisprudenza liċ-ċittadini kollha tal-UE, tkun xi tkun il-lingwa tagħhom.

Id-dipartiment jittraduċi firxa wiesgħa ta’ testi legali li jvarjaw skont numru ta’ fatturi: in-natura tal-kawża, is-suġġett, it-tip ta’ dokument (dokumenti proċedurali, konklużjonijiet tal-Avukati Ġenerali, sentenzi, digrieti), lingwa, stil, tul, sfond legali tal-awtur, etc.

Xogħol għall-Qorti tal-Ġustizzja

Kważi terz tat-testi jiġu tradotti minn kollaboraturi esterni (tradutturi freelance). Dawn huma persuni legali jew fiżiċi li magħhom l-istituzzjoni tiffirma kuntratt, fuq il-bażi ta’ regoli ta’ kunfidenzjalità stretta, u li żżomm kuntatt mill-viċin. It-traduzzjonijiet għandhom ikunu ta’ kwalità għolja ħafna, u l-esterni jirċievu sostenn u assistenza xierqa mid-dipartiment tat-traduzzjoni tal-Qorti tal-Ġustizzja biex jiksbu dan.

Arranġamenti ta’ xogħol flessibbli

It-tradutturi freelance huma liberi li jagħżlu minn fejn jaħdmu peress li l-kuntratti jitwettqu mill-bogħod (permezz tat-telefon, posta elettronika u varji pjattaformi internet). Barra minn hekk, it-tradutturi jistgħu jagħżlu l-ammont ta’ xogħol ta’ traduzzjoni li jaċċettaw, skont it-termini varji, u b’hekk din it-tip ta’ kollaborazzjoni tista’ titwettaq bħala attività addizzjonali, b’mod partikolari mill-professjonisti tal-liġi.

Proċedura ta’ għażla

It-tradutturi freelance jintagħżlu permezz ta’ avviż ta’ kuntratt ippubblikat f’Il-Ġurnal Uffiċjali tal-Unjoni Ewropea. Dawn l-avviżi ta’ kuntratt, li jkopru numru ta’ kombinazzjonijiet lingwistiċi, huma permanenti u jibqgħu miftuħin sabiex jippermettu offerenti oħra jipparteċipaw f’kull ħin. Il-persuni magħżula fuq il-bażi ta’ testijiet tat-traduzzjoni (li jitlestew mill-bogħod) jiffirmaw kuntratt qafas mal-Qorti tal-Ġustizzja.

Suq miftuħ u kompetizzjoni permanenti

L-offerenti jitqiegħdu f’lista li fiha l-pożizzjoni tiddependi kemm fuq il-kwalità tat-traduzzjoni, kif evalwata fit-test, kif ukoll fuq il-kompetittività tar-rata mitluba mill-offerent. L-offerenti regolarment jirċievu offerti ta’ traduzzjonijiet fuq il-bażi ta’ din il-klassifikazzjoni, li tinbidel skont il-kwalità tas-servizzi pprovduti, ħaġa li tippermetti li jittieħdu inkunsiderazzjoni offerti ġodda.

It-talbiet għal informazzjoni / parteċipazzjoni jistgħu jintbagħtu lil: Indirizz elettroniku freelanceMT@curia.europa.eu

Informazzjoni prattika

Kull persuna kkwalifikata li tixtieq taħdem bħala traduttur freelance għall-kombinazzjonijiet lingwistiċi indikati fl-avviż ta’ kuntratt tista’ tressaq talba sabiex tipparteċipa.

L-imsemmija avviżi ta’ kuntratt, li huma biss huma awtentiċi, huma aċċessibli hawn taħt:

> KUNTRATT ĠDID

Avviż dwar kuntratt 2025

Dokumenti tal-akkwist:

• Avviż dwar kuntratt (ara l-links iktar ’il fuq li jwasslu għall-avviż dwar kuntratt skont il-lingwa li fiha ssir it-traduzzjoni)
• Ittra ta’ stedina għal parteċipazzjoni
• Speċifikazzjonijiet tal-kuntratt EN | FR

Anness 1 – Kompetenza professjonali
Anness 2 – Formola ta’ reġistrazzjoni mandatorja 
Anness 3 – Formola “Entità legali”  EN | FR
Anness 4 – Dikjarazzjoni fuq l-unur relatata mal-kriterji ta’ esklużjoni u mal-kriterji ta’ selezzjoni 
Anness 5 – Paġna ta’ quddiem tal-offerta EN | FR
Anness 6 – Proposta finanzjarja (“Offerta ta’ prezz”) EN | FR
Anness 7 – Mudell ta’ kuntratt qafas EN | FR

Ara l-video: kif jaħdem id-dipartiment tat-traduzzjoni tal-Qorti tal-Ġustizzja u x’nistennew mill-kollaboraturi tagħna. 

• Dokumenti tal-akkwist:

  • Avviż dwar kuntratt (ara l-links iktar ’il fuq li jwasslu għall-avviż dwar kuntratt skont il-lingwa li fiha ssir it-traduzzjoni)
  • Ittra ta’ stedina għal parteċipazzjoni
  • Speċifikazzjonijiet tal-kuntratt GA | EN | FR  

  Anness 1 – Formola ta’ reġistrazzjoni mandatorja

  Anness 2 – Formola “Entità legali”

  Anness 3 – Dikjarazzjoni fuq l-unur relatata mal-kriterji ta’ esklużjoni u mal-kriterji ta’ selezzjoni

  Anness 4 – Paġna ta’ quddiem tal-offerta EN | FR 

  Anness 5 – Proposta finanzjarja (“Offerta ta’ prezz”) EN | FR  

  • Mudell ta’ kuntratt qafas EN | FR