Rapport annwali
Panorama tas-sena
Il-Panorama de l’année hija r-rapport annwali tal-Qorti tal-Ġustizzja u jagħti ħarsa lejn l-attività tal-istituzzjoni u l-ġurisprudenza taż-żewġ qrati matul is-sena li tkun għaddiet.
Din il-pubblikazzjoni tippreżenta sunti tal-kawżi prinċipali tas-sena, statistika dwar l-attività taż-żewġ qrati u ħarsa ħafifa lejn l-avvenimenti ewlenin tas-sena. Hija tinkludi wkoll kontribuzzjonijiet mill-President tal-Qorti tal-Ġustizzja, mill-President tal-Qorti Ġenerali, kif ukoll mir-Reġistratur tal-Qorti tal-Ġustizzja, is-Segretarju Ġenerali tal-istituzzjoni, dwar l-attività u l-evoluzzjoni taż-żewġ qrati u tal-istituzzjoni. Il-Viċi President tal-Qorti Ġenerali jippreżenta l-innovazzjonijiet fil-ġurisprudenza ta’ din il-qorti.
Parti mill-pubblikazzjoni, intitolata “Focus fuq il-ġurisprudenza”, hija intiża li tinforma lill-professjonisti u lill-pubbliku ġenerali dwar il-kawżi ewlenin tas-sena b’mod iddettaljat u bi skop pedagoġiku.
 |
|
Ara wkoll:
- Ir-Rapporti Annwali (snin preċedenti)
- Statistika ġudizzjarja tal-Qorti tal-Ġustizzja
- Statistika ġudizzjarja tal-Qorti Ġenerali
- Is-Selezzjoni tal-iktar sentenzi importanti
Rapport ta’ ġestjoni
Kull sena, l-uffiċjal awtorizzanti b’delega tal-Istituzzjoni jagħti rendikont lill-awtoritajiet tal-baġit tal-Unjoni, konformement mar-regoli finanzjarji applikabbli, tal-ġestjoni tal-approprjazzjonijiet u tan-nefqa tal-Istituzzjoni fil-forma ta’ rapport annwali tal-attivitajiet. Dan ir-rapport, imsejjaħ ir-Rapport ta’ ġestjoni, b’mod partikolari jinkludi r-riżultati miksuba mill-Istituzzjoni permezz tar-riżorsi allokati lilha u l-funzjonament tas-sistemi ta’ kontroll intern.
