Foilsíonn Cúirt Bhreithiúnais an Aontais Eorpaigh dhá phríomhthuarascáil gach bliain: Athbhreithniú ar an mBliain agus an Tuarascáil Bhainistíochta. Bíonn an dá thuarascáil ar fáil ar líne, ina dtugtar léargas ar phríomhchásanna na bliana agus ar bhainistíocht airgeadais na Cúirte faoi seach.

Athbhreithniú ar an mBliain

Is é Athbhreithniú ar an mBliain tuarascáil bhliantúil na Cúirte. Cuirtear i láthair ann gníomhaíochtaí na Cúirte agus an cásdlí is suntasaí de chuid na Cúirte Breithiúnais agus na Cúirte Ginearálta le bliain anuas.

I ngach eagrán tá forléargas ar phríomhimeachtaí na bliana, staitisticí ar obair an dá chúirt agus roinn ‘Fócas ar Chásdlí’ ina dtugtar athbhreithnithe soiléire cuimsitheacha ar mhórchásanna na bliana. Tá ionchur ó Uachtaráin na gcúirteanna agus ó Chláraitheoir na Cúirte Breithiúnais sa tuarascáil freisin, ina ndéantar machnamh ar fhorbairtí agus ar éachtaí gach cúirte agus na hinstitiúide ina hiomláine.

Is féidir leat rochtain a fháil ar an Athbhreithniú ar an mBliain is déanaí ar líne nó mar PDF. Tá leaganacha níos sine le fáil thíos.

Tuarascáil Bhainistíochta

Is í an Tuarascáil Bhainistíochta an tuarascáil bhliantúil ar ghníomhaíochtaí ina léirítear an chaoi a mbainistíonn an Chúirt a hacmhainní. Cuirtear faoi bhráid údaráis bhuiséadacha an Aontais é i gcomhréir le rialacha airgeadais an Aontais. Leagtar béim sa tuarascáil ar na torthaí a bhain an Chúirt amach trí úsáid a bhaint as na hacmhainní a leithdháileadh uirthi agus déantar meastóireacht inti ar an gcaoi a bhfeidhmíonn na córais rialaithe inmheánaigh.

Tá an  is déanaí ar fáil i bhFraincis agus i mBéarla. Tá na heagráin roimhe seo le fáil thíos.